Skip to Main Contents

ᓄᓇᙳᐊᑦ | ᐃᓕᑕᕆᔭᐅᓂᕐᑖᑐᑦ | ᖃᐅᔨᒋᐊᕐᕕᒋᑎᒍᑦ | Français | English

Three women face each other, looking at each other and singing a throat song.

ᐃᓗᕐᕈᓯᖏᑦ

ᐃᓕᓴᐱ ᐊᒪᕈᐊᓕᓪᓗ, ᓗᐃᓴ ᕿᓰᕐᓗ, ᓯᐊᓯ ᑐᓂᕐᓗ

ᑲᑕᑦᔭᖅ, ᓂᐲᑦ ᓄᓇᒥᑦ ᐱᔪᑦ

ᑲᑕᑦᔭᖅ ("ᐃᒡᒋᐊᑯᑦ ᐃᙱᕈᓯᖅ) ᐊᑦᔨᒋᔭᐅᙱᒪᕆᑦᓱᓂ ᐃᓄᓐᓄᑦ ᓂᑦᔮᓱᑎᒃ ᑕᑯᓐᓇᐅᔮᕐᑎᓯᒍᑎᐅᓲᖅ ᑕᒪᑐᒧᖓᓗ ᖃᐅᔨᒪᔭᐅᒍᑎᖃᓪᓚᕆᑦᓱᑎᒃ ᓄᓇᕕᒻᒥᐅᑦ.

ᐃᓄᐃᑦ ᐱᐅᓯᑐᖃᕐᒥᑎᒍᑦ ᐃᙱᓲᑐᖄᓗᕗᑦ ᐊᑯᓂᓂᐊᓗᒃ ᑭᖑᕚᕇᑦ ᐊᒥᓱᑦ ᓈᑦᓱᒋᑦ, ᑲᑕᑦᔭᓲᑦ ᐊᕐᓀᑦ ᒪᕐᕈᓈᕐᑎᓱᑎᒃ ᐊᒥᓱᕐᓴᐅᓱᑎᓘᓐᓃᑦ ᓀᑦᑐᑲᓪᓚᐅᓈᕐᑎᑐᓂᒃ ᓂᐸᓕᔮᖃᑦᑕᓱᑎᒃ ᐊᓂᕐᑎᕆᓂᕐᒥᒍᑦ, ᓂᐱᖃᖃᑦᑕᓱᑎᓗ ᓴᖑᐊᕙᓪᓛᔪᓂᒃ ᑌᒪ ᕿᒥᖏᑦ ᑐᓴᕐᓴᐅᓂᐊᓕᕐᒪᑕ ᐃᓚᖓᓂ ᐃᙱᕙᓪᓛᕌᐱᐅᔮᖃᑦᑕᓱᑎᒃ.

ᐊᕐᓀᑦ ᑲᑕᑦᔭᓕᕋᒥᒃ, ᖃᑕᑦᔭᖃᑎᒥᓂᒃ ᓵᙵᒋᐊᖃᓲᑦ ᑕᓕᕐᒥᓂᒃ ᑎᒍᒥᐊᖃᑦᑕᐅᑎᑦᓱᑎᒃ, ᐃᓚᖓᓂ ᑎᒥᖏᑦ ᐅᑎᕐᑕᓱᑎᒃ ᐊᐅᓚᓲᑦ ᑲᑕᑦᔭᑕᒥᑕ ᕿᒥᖏᓐᓂᒃ ᒪᓕᑦᓱᑎᒃ. ᐊᕐᓀᑦ ᑐᓴᕈᐊᕐᑐᐊᐱᐅᒋᐊᓖᑦ, ᑐᓵᔭᒥᓂᒃ ᐊᖑᒪᑦᓯᒍᓐᓇᑕᐅᑎᒋᐊᖃᕋᒥᒃ ᐊᒻᒪᓗ ᑎᒥᒥᒍᑦ ᐃᓱᒪᒥᒍᓪᓗ ᐱᓯᑎᐊᓘᒋᐊᖃᕐᓱᑎᒃ ᐊᓂᕐᑎᕆᓂᕐᒥᒍᑦ.

ᓂᐸᓕᐅᕈᓯᖏᑦ, ᓂᑦᔮᓂᕐᒥᒎᒐᓗᕐᐸᑦ ᐅᕝᕙᓘᓐᓃᑦ ᓂᑦᔮᖏᒃᑲᓗᐊᕋᒥᒃ, ᐅᖃᐅᓯᖏᓐᓄᑦ ᑐᙵᕕᐅᒍᓐᓇᑐᑦ, ᑐᑭᖃᙱᓗᑐᑦᓯᐊᕋᓗᐊᕋᒥᒃ ᐅᕝᕙᓘᓐᓃᑦ ᐅᓪᓗᑕᒫᑦ ᑐᓵᔭᐅᓲᓂᒃ ᐃᑦᔪᐊᓯᑦᓱᑎᒃ ᐅᕝᕙᓘᓐᓃᑦ ᐆᒪᔪᓂᒃ ᐃᑦᔪᐊᓯᑦᓱᑎᒃ. ᐃᙱᕈᓯᖏᓐᓂᒃ ᓈᓚᑦᑐᐃᑦ ᐃᕐᙯᒍᑎᖃᕐᑎᑕᐅᒍᓐᓇᑐᑦ ᓱᓇᑐᐃᓐᓇᓂᒃ ᑐᓵᔭᒥᓂᒃ ᐅᕝᕙᓘᓐᓃᑦ ᐆᒪᔪᐃᑦ ᓱᕙᓚᑦᓯᖏᓐᓂᒃ, ᑭᓯᐊᓂ ᐃᓚᖓᓂ ᑲᑕᑦᔭᑐᐃᑦ ᐱᓕᐅᑦᔨᖑᐊᑐᐃᓐᓇᕙᓪᓗᓲᑦ ᓵᓚᒋᐅᑎᒐᓱᐊᕐᓱᑎᒃ, ᓵᓚᐅᓚᖓᑎᓪᓗᒍ ᓄᕐᖃᖄᑐᐃᓐᓇᑐᖅ ᓇᓪᓕᐊᑐᐃᓐᓇᖅ ᐊᕐᓇᖅ, ᐊᓂᕐᑎᕆᕐᖃᔦᑐᐊᕋᒥᒃ ᐅᕝᕙᓘᓐᓃᑦ ᐃᔪᓯᖏᓐᓇᑐᐊᕋᒥᒃ.

ᐅᑯᐊᑕᒃᒐ ᑲᑕᑦᔭᕈᓰᑦ ᐃᒥᐊᒍᑎᖏᑦ ᑕᑯᑦᓴᐅᑎᑕᐅᔪᑦ ᐊᓪᓚᓯᒪᔪᑎᒍᑦ:


ᕿᒻᒥᒍᓗᐊᐱᒃ

ᑖᓐᓇ ᑐᓴᕐᓈᒐᖅ ᑐᖕᖓᕕᖃᕐᑐᖅ ᓂᐲᑦ ᐃᒥᐊᓂᖏᑕ ᐊᓪᓚᓯᒪᔪᖕᖑᑕᐅᒪᒍᑎᖏᓐᓂᒃ (ᑕᑯᑦᓴᐅᑎᑕᐅᑦᓱᑎᒃ ᑲᒃᑲᓇᓂ ᐊᓪᓚᓄᑦ ᐅᑯᓄᖓ A, B, C, D ᐊᒻᒪᓗ E). ᑐᖓᓕᕇᖑᑎᓪᓗᒋᑦ ᓂᑦᔭᓕᑦᑖᕈᑕᐅᓲᑦ, ᐅᑎᕐᑕᑕᐅᑦᓱᑎᒃ. ᑕᑯᔭᐅᒍᓐᓇᑐᓂᒃ ᐃᖏᐊᓂᖏᑕ ᐊᓪᓚᑕᐅᒪᒍᑎᖏᑦ, ᓂᑦᔭᓗᑦᑕᑏᑦ ᓄᐃᑕᑎᑕᐅᔪᑦ ᑐᑭᓕᕇᑯᑖᑦᑑᓄᑦ 1-ᒧᓪᓗ 2-ᒧᓪᓗ

Graphic illustrating the five main patterns of throat singing.

ᕿᒻᒥᒍᓗᐊᐱᐅᑉ ᑲᑕᑦᔭᕈᑕᐅᓂᖓᑕ ᓴᖑᐊᓂᖏᑦ

ᕿᒻᒥᒍᓗᐊᐱᒃ
ᑲᑕᑦᔦᓗ ᐊᓪᓚᓯᒪᑎᓪᓗᒋᓪᓗ ᒪᓕᒐᑦᓴᓕᐊᖑᒪᔪᑦ
ᑲᑕᑦᔭᖅ: ᐃᓕᓴᐱ ᐊᒪᕈᐊᓕᓪᓗ, ᓗᐃᓴ ᕿᓰᕐᓗ, ᓯᐊᓯ ᑐᓂᕐᓗ
Download in WebM format (2,7 MB) | Download in MP4 format (17 MB)


ᐱᓕᐅᑦᔨᒍᑎ (1)

ᑖᓐᓇ ᑲᑕᑦᔭᕈᓯᖅ ᑲᑕᑦᔭᖃᑎᒌᓐᓄᑦ ᐊᑑᑎᔭᐅᓲᖅ (A-ᒧᓪᓗ B-ᒧᓪᓗ) ᑐᓵᔪᒍᑦ ᓂᐅᕆᐊᑲᑦᑕᕙᓗᖏᓐᓂᒃ ᑲᑕᑦᔭᓱᑎᒃ (ᑕᑯᑦᓴᐅᑎᑕᐅᔪᓂᒃ ᖃᑯᕐᑕᓄᑦ “ᓂᑦᓯᓄᑦ”).

ᐱᓕᐅᑦᔨᒍᑎ (1)
ᑲᑕᑦᔦᓗ ᐊᓪᓚᓯᒪᑎᓪᓗᒋᓪᓗ ᒪᓕᒐᑦᓴᓕᐊᖑᒪᔪᑦ
ᑲᑕᑦᔭᖅ: ᐃᓕᓴᐱ ᐊᒪᕈᐊᓕᓪᓗ, ᓗᐃᓴ ᕿᓰᕐᓗ, ᓯᐊᓯ ᑐᓂᕐᓗ
Download in WebM format (615 kb) | Download in MP4 format (1.9 MB)


ᐱᓕᐅᑦᔨᒍᑎ (2)

ᐅᑯᐊ ᑲᑕᑦᔦᑦ ᐊᓪᓚᑕᐅᒪᒍᑎᖏᑦ ᑕᑯᑦᓴᐅᑎᑦᓯᔪᑦ ᑐᓴᕐᓈᒐᐅᓂᖓᓂᒃ, ᐱᖓᓱᐃᓂᒃ ᑐᑭᓕᕆᑯᑖᓂᒃ ᕿᒥᖃᕐᓱᑎᒃ. ᑲᑕᑦᔭᖃᑎᒌᒃ ᑭᐅᖃᑦᑕᐅᑎᓂᖏᑦ ᑕᑯᑦᓴᐅᑎᑕᐅᔪᑦ ᑕᐅᑦᑐᓕᓐᓄᑦ ᓂᐱᖏᓐᓂᒃ ᑐᑭᓕᐅᕆᒍᑎᐅᒪᔪᓄᑦ.

ᐱᓕᐅᑦᔨᒍᑎ (2)
ᑲᑕᑦᔦᓗ ᐊᓪᓚᓯᒪᑎᓪᓗᒋᓪᓗ ᒪᓕᒐᑦᓴᓕᐊᖑᒪᔪᑦ
ᑲᑕᑦᔭᖅ: ᐃᓕᓴᐱ ᐊᒪᕈᐊᓕᓪᓗ, ᓗᐃᓴ ᕿᓰᕐᓗ, ᓯᐊᓯ ᑐᓂᕐᓗ
Download in WebM format (1.1 MB) | Download in MP4 format (3.3 MB)


ᑭᑦᑐᕆᐊᖅ

ᑖᒃᑯᐊ ᑲᑕᑦᔦᑦ ᑕᑯᑦᓴᐅᑎᑕᐅᕗᑦ ᐊᓪᓚᓯᒪᔪᑎᒍᑦ ᑕᑯᔭᐅᒍᓐᓇᖁᓪᓗᒋᑦ ᐃᖏᐊᓂᖏᑦ, ᓂᐱᖏᑕᓗ. ᐊᑐᕐᑕᐅᑎᓪᓗᒋᑦ ᐱᖓᓱᑦ ᑐᑭᓕᕇᑦᑐᑯᑖᑦ ᐃᖏᐊᒍᑏᑦ. ᑲᑕᑦᔭᑑᒃ ᑕᐅᕐᓰᑕᕐᓂᒋᒃ ᑕᑯᑦᓴᐅᑎᑕᐅᔪᑦ ᑕᐅᑦᑐᓕᓐᓄᑦ. ᐅᕕᖕᖏᐊᔪᑦ ᑐᓴᕐᓴᐅᔪᑦ (ᑐᖑᔪᕐᑕᓄᑦ ᑕᕐᓯᑐᕐᓯᒪᔪᑦ) ᓂᐅᕆᐊᖃᕐᑕᓂᒃᑯᓗ ᐊᓂᕐᓵᖃᑦᑕᓂᒃᑯᓗ ᓂᐱᖏᑦ ᐊᓯᑦᔨᑕᕐᑐᑦ ᑐᓴᕐᓴᐅᔪᑦ.

ᑭᑦᑐᕆᐊᖅ
ᑲᑕᑦᔦᓗ ᐊᓪᓚᓯᒪᑎᓪᓗᒋᓪᓗ ᒪᓕᒐᑦᓴᓕᐊᖑᒪᔪᑦ
ᑲᑕᑦᔭᖅ: ᐃᓕᓴᐱ ᐊᒪᕈᐊᓕᓪᓗ, ᓗᐃᓴ ᕿᓰᕐᓗ, ᓯᐊᓯ ᑐᓂᕐᓗ
Download in WebM format (450 kb) | Download in MP4 format (1.3 MB)


ᑲᑕᑦᔭᕈᓰᑦ ᐃᓚᖏᑦ:

ᐱᓕᐅᑦᔨᒍᑎ (3)

ᓂᕐᓕᕙᓪᓛᖅ

ᑭᓪᓘᕙᓪᓛᖅ

Back to Top