Skip to Main Contents

ᓄᓇᙳᐊᑦ | ᐃᓕᑕᕆᔭᐅᓂᕐᑖᑐᑦ | ᖃᐅᔨᒋᐊᕐᕕᒋᑎᒍᑦ | Français | English

Traffic signs, where the text can be read in English and Inuktitut.

ᐃᓗᕐᕈᓯᖏᑦ

ᓄᕐᕐᑲᕆᑦ, ᓄᓇᕕᒃ

ᐃᓄᑦᑎᑐᑦ ᐅᖃᐅᓯᖏᑦ

Two little girls in a classroom, writing their names on the board.

ᐱᐊᕃᑦ/ᑲᒃᑲᓛᑦ ᐊᓪᓚᑐᑦ

ᐃᓄᒃᑎᑑᕐᓂᖅ ᐅᖄᒍᓯᕆᔭᐅᖏᓐᓈᑐᖅ ᓄᓇᕕᒻᒥᐅᑦ 90% ᐳᓴᓐᑎᒥᑦᑐᓄᑦ, ᐃᓄᒃᑎᑐᑦ ᐅᖃᐅᓯᖅ ᐃᓄᓐᓄᑦ ᐱᔪᕆᐅᑎᒋᔭᐅᓪᓚᕆᓲᖅ, ᓄᐃᑕᑎᑦᓯᓚᕆᒍᑎᐅᒻᒪᑦ ᐃᓄᒃᑎᑐᑦ ᐅᖄᒍᓐᓇᑐᐃᑦ ᐊᑑᑎᓯᒪᔭᖏᓐᓂᒃ, ᐱᐅᓯᑐᖃᖏᓐᓂᒃ ᓯᕗᓪᓕᕕᓂᕐᒥᑕᓗ ᐱᐅᓯᑐᖃᕕᓂᖏᓐᓂᒃ ᓄᓇᒧᑦ ᐱᑐᑦᓯᒪᓪᓚᕆᑦᑎᓗᒋᑦ. ᐃᓄᒃᑎᑐᑦ ᐅᖃᐅᓯᖅ ᐆᑦᑐᕋᐅᑎᑦᓯᐊᒍᕗᖅ ᐅᖃᐅᓯᕐᒥᒍᑦ ᐱᐅᓯᑐᖃᕐᒥᒍᓪᓗ ᐃᓄᐃᑦ ᑮᓇᐅᓂᖏᓐᓄᑦ ᐃᓚᒌᔭᐅᑦᓯᐊᒪᓃᒃ.

ᐅᓪᓗᑕᒫᕐᓯᐅᑏᑦ, ᒪᓕᒉᑦ ᐃᓅᖃᑎᒌᑦᑐᓄᑦ ᐃᓪᓕᓇᕐᑐᖁᑎᖏᓪᓗ ᐃᑲᔪᕐᑎᒌᒍᑎᐅᑦᓯᐊᓂᖏᑦ ᓂᓪᓕᐊᒍᑎᐅᑦᓯᐊᓲᒍᕗᑦ ᑕᕝᕘᓇ ᐅᖃᐅᓯᕐᒥᒍᑦ, ᓄᓇᕕᐅᑉ ᐃᓗᕐᕈᓯᖓᓂᒃ ᐃᑲᔪᕐᓯᒪᑦᓱᓂᓗ. ᐃᓄᒃᑎᑐᑦ ᐅᖃᐅᓯᖅ ᐊᓯᐅᔨᒋᒃᑯᑎᐅᒍᓐᓇᒪᑦ ᐱᐅᓯᐅᓯᒪᔪᓂᒃ ᐊᑑᑎᓯᒪᔪᓂᒃ ᐅᓪᓗᒥᐅᓕᕐᑐᓗᑦ ᖃᐅᑉᐸᒧᓪᓗ ᐃᓱᒪᒋᔭᐅᔪᓂᒃ ᐱᕙᓪᓕᐊᑎᑦᓯᒍᑕᐅᒍᓐᓇᓱᓂ.

ᐃᓄᒃᑎᑐᑦ ᐅᖃᐅᓯᖅ ᐅᖄᒍᓯᐅᕗᖅ ᐃᓄᓐᓄᑦ ᐅᓄᕐᓂᖏᑦ 100,000-ᑲᓵᓂᑦᑐᓄᑦ ᕋᓴᐅᑉ ᐅᖓᓯᓐᓂᐹᖓᓂᑦ ᐊᑯᑭᑦᑐᒧᑦ ᑎᑭᑦᓱᒍ. ᑲᓇᑕᒥ, ᐃᓄᒃᑎᑐᑦ ᓚᔪᖅ ᐃᓄᓐᓄᑦ ᐅᖃᐅᓯᓕᒫᓂᒃ ᑕᐱᑦᓯᔪᖅ, ᖁᓖᑦ (ᑕᓪᓕᒪᐅᔪᕐᑐᐃᑦ) ᐃᓄᑦᑎᑐᑦ ᐅᖃᐅᓯᐅᒻᒪᑕ ᑲᓇᑕᑐᐃᓐᓇᒥ ᑭᓯᐊᓂ. ᓄᓇᕕᒻᒥ, ᓄᓇᓖᑦ ᐊᑐᓂᑦ ᐅᖄᒍᓯᖃᕐᒥᔪᑦ ᐊᒻᒪᓗ ᓄᓇᓕᐅᖃᑎᒌᙱᑐᑦ ᐅᖃᐅᓯᖏᑦᑕ ᐃᓚᖏᑦ ᐊᑦᔨᒌᓪᓗᑐᐊᐱᑦᔭᒥᒐᑎᒃ.

ᓇᑭᙶᓯᒪᓂᖏᑦ

ᐃᓄᒃᑎᑐᑦ ᐅᖄᒍᓯᖅ ᓯᑕᒪᐅᔪᖏᒐᕐᑐᓄᑦ (7-ᓄᑦ) ᐅᖄᒍᓯᒋᔭᐅᕗᖅ ᐃᓄᑐᐃᓐᓇᓄᑦ. ᐅᖃᐅᓯᖏᑦᑕ ᐃᓂᓪᓚᓯᒪᓂᖏᑦ ᐊᒻᒪᓗ ᐋᕐᕿᓱᕐᓯᒪᓂᖏᑦ ᔫᐱᐅᓂᕋᕐᑌᑦ ᐅᖃᐅᓯᖏᓐᓄᑦ ᐃᓚᒋᔭᐅᑦᓱᑎᒃ ᐊᓛᔅᑲᒥᐅᓄᑦ ᐊᒻᒪᓗ ᓭᐱᐅᕆᐊᑉ ᑕᕐᕋᖓᓂᒥᐅᓄᑦ. ᐃᓄᑐᐃᓐᓇᖄᕕᓃᑦ ᐊᒥᐊᔨᑲᒻᒪᕆᒨᕋᒥᒃ, ᐃᓄᒃᑎᑑᕈᓯᑐᖄᓗᒻᒥᒃ ᐅᖄᒍᓯᖃᕐᑐᕕᓃᑦ ᑕᒪᒃᑯᓄᖓ ᐃᓄᓐᓄᑦ ᐅᖄᒍᓯᒋᔭᐅᔪᓄᑦ ᐊᑦᔨᒋᔭᐅᒐᓛᑦᑐᓂᒃ. ᐃᓄᑐᐃᓐᓇᖄᕕᓃᑦ ᐃᖏᕐᕋᑎᓪᓗᒋᑦ ᓯᕿᓂᐅᑉ ᓂᐱᕕᐊᓂᑦ ᐱᑦᓱᑎᒃ ᓄᐃᕕᐊᓅᕐᐸᓕᐊᑦᓱᑎᒃ, ᐅᖃᐅᓯᑐᖃᖏᑦ ᐊᓯᑦᔨᐸᓪᓕᐊᓯᒪᔪᑦ ᓇᒻᒥᓂᖅ ᐅᖄᒍᓯᕐᒥᓂᒃ ᐱᑖᕐᐸᓕᐊᑦᓱᑎᒃ ᐅᓪᓗᒥᒧᑦ ᑎᑭᑦᓱᒍ.

1902-1903 ᐊᕐᕌᒍᖏᑦ ᑎᑭᐅᑎᒻᒪᑕ ᑭᓯᐊᓂ, ᑐᓃᑦ ᐊᒥᓲᒍᓐᓀᓱᑎᒃ ᑎᑭᐅᑎᔭᐅᑲᓪᓚᖃᔭᙱᑐᓂ ᓄᓇᓯᒪᖏᓐᓈᑐᕕᓃᑦ, ᓴᓪᓕᒥᐅᒍᓂᕋᕐᑕᐅᓯᒪᔪᑦ ᐃᓚᖏᑦ ᑐᓂᖃᓪᓗᐊᔭᒍᓐᓀᑎᓪᓗᒍ, ᓄᓇᕕᐅᑉ ᑕᕐᕋᖓᓂ ᓯᕿᓂᐅᑉ ᓂᐱᕕᐊᓂᐅᓂᕐᓴᖅ. ᐅᖃᕐᑕᐅᓯᒪᔪᑦ "ᐊᑦᔨᐅᖏᑦᑐᒪᕆᐊᓗᒻᒥᒃ ᐅᖄᒍᓯᖃᕐᓂᕋᕐᑕᐅᓱᑎᒃ," ᐃᓄᑐᐃᓐᓇᖄᕕᓂᕐᑎᑑᒍᓇᐅᔪᖅ ᐅᓪᓗᒥᐅᔪᖅ ᐃᓄᐃᑦ ᐅᖄᒍᓯᖏᓐᓄᑦ ᐊᑦᔨᒋᔭᐅᙱᑐᒪᕆᓐᓂᒃ ᐅᖄᒍᓯᖃᕐᓱᑎᒃ. ᓴᓪᓕᒥᐅᒍᑦᓱᑎᒃ ᓄᖑᑐᐃᓐᓇᓚᐅᕐᑐᕕᓃᑦ ᐱᓇᓱᐊᕈᓯᕐᓂ ᐊᒥᓲᙱᑐᐊᐱᓐᓂ ᖃᓂᒪᓐᓇᔪᐊᖃᕐᑎᓗᒍ ᐃᓄᖏᑦ ᓄᖑᑦᓱᑎᒃ ᐊᒻᒪᓗ ᐃᓗᕐᕈᓯᖏᑦ.

ᖃᓄᐃᑦᑑᓂᖏᑦ

ᖃᓪᓗᓈᕐ ᐅᕝᕙᓘᓐᓃᑦ ᐅᐃᒍᐃᑦ ᐅᖃᐅᓯᖏᓐᓄᑦ ᐊᑦᔨᒋᔭᐅᙱᒪᕆᑦᑐᖅ, ᐃᓄᒃᑎᑐᑦ ᐅᖃᐅᓯᖅ ᑐᑭᖏᑦ ᑲᑎᒪᔭᐅᑐᐃᓐᓇᑎᓪᓗᒋᑦ ᑐᙵᕕᖏᓐᓄᑦ ᐅᖄᒍᓯᐅᓲᒍᕗᖅ, ᐃᒫᒃ, ᐅᖃᐅᓰᑦ ᓱᓇᒥᒃ ᓇᓗᓀᕐᓯᓂᖏᑦ ᒪᕐᕉᓂᒃ ᐅᖓᑖᓄᓘᓐᓃᑦ ᑐᑭᑖᕆᐊᓪᓚᐅᑎᖏᓐᓂᒃ ᐱᑕᖃᖃᑦᑕᑎᓪᓗᒋᑦ, ᐊᑦᔨᒌᙱᑐᕙᓪᓘᓱᑎᓪᓗ. ᑌᒣᑦᑐᓂᒃ ᐅᖄᒍᓯᖃᕐᒥᔪᐃᑦ ᔮᐸᓃᓰᑦ, ᓭᕿᓖᑦ ᐊᒻᒪᓗ ᑑᑮᑦ ᐅᖃᐅᓯᖏᑦ. ᑌᒣᑦᓱᑎᒃ ᐅᖃᐅᓯᖏᑦ ᐃᓄᒃᑎᑑᕐᑐᐃᑦ ᓇᓗᓇᕐᑐᒪᕆᐊᓗᓐᓂᒃ ᑐᑭᓕᐅᕆᓲᑦ ᐅᖃᐅᓯᕐᒥᒃ ᐊᑕᐅᓯᕐᒥᒃ ᑐᙵᕕᖃᓲᒍᒐᒥᒃ, ᖃᓪᓗᓈᑎᑐᓪᓕ ᐅᕝᕙᓘᓐᓃᑦ ᐅᐃᒍᐃᑎᑐᑦ ᐊᒥᓲᓕᕿᖓᔪᓂᒃ ᐅᖃᐅᓯᕐᓂᒃ ᐊᑐᕆᐊᖃᓲᒍᑎᓪᓗᒋᑦ.

ᐊᓪᓚᒍᓰᑦ

ᐃᓄᒃᑎᑐᑦ ᐊᓪᓚᒍᓯᖅ ᓄᐃᑕᐅᓚᐅᕐᑐᕕᓂᖅ ᔦᒥᔅ ᐃᐊᕙᓐᔅᒧᑦ, 1800 ᐊᕐᕌᒍᖏᓐᓂ ᐊᔪᕿᕐᑐᐃᔨᒧᑦ. ᐃᐊᕙᔅ ᓯᕗᓪᓕᐹᒥ ᐱᓇᓱᐊᓯᓚᐅᕐᑐᕕᓂᖅ ᐋᓐᑎᐅᔨᐅᒥ, ᐊᓪᓓᑦ ᐆᑦᔨᐳᐃᑦ ᐅᖄᒍᓯᖏᓐᓂᒃ ᐊᓪᓚᒍᓯᓕᐅᕐᑐᕕᓂᐅᑦᓱᓂ ᐃᓄᐃᑦ ᐅᖄᒍᓯᖏᓐᓂᒃ ᐊᓪᓚᒍᓯᓕᐅᓕᕐᓂᒥᔪᖅ. ᐅᖃᐅᓰᑦ ᓀᓪᓕᑎᕐᓯᒪᑎᓪᓗᒋᑦ ᐊᓪᓚᑕᐅᒍᓯᖏᓐᓂᒃ ᑕᐯᕐᓯᒪᓂᑯᒥᓄᑦ, ᐊᓪᓚᒍᓯᓕᐅᕐᓯᒪᔪᖅ ᖁᓕᐅᖏᒐᕐᑐᓄᑦ ᑐᙵᕕᐅᓗᐊᙳᐊᓱᑎᒃ ᐊᓪᓚᒍᓯᕐᓂᒃ ᐊᑦᔨᒌᓪᓗᑐᑦᔭᒐᑎᒃ ᐊᓪᓚᒍᓯᕐᓂᒃ ᓂᐲᑦ ᐊᓪᓚᑕᐅᒍᓯᖏᑦᑕ ᑐᙵᕕᐅᓗᐊᙳᐊᑐᓂᒃ ᐊᑐᕐᓱᓂ ᐊᒻᒪᓗ ᐅᖃᕐᕙᓚᑦᓯᒍᓯᖏᑦ ᒪᓕᑦᓱᒋᑦ. ᑕᒪᓐᓇ ᐊᓪᓚᒍᓯᖅ ᐊᓪᓚᓄᑦ ᑯᔩᓄᑦ ᐊᑐᕐᑕᐅᓯᔪᕕᓂᖅ ᑌᒪ ᓄᓇᕕᒻᒥᐅᓄᑦ ᖃᐅᔨᔭᐅᑎᑕᐅᒐᒥ ᐊᑐᕐᑕᐅᕙᓪᓕᐊᓯᓐᓂᒥᔪᖅ ᓄᓇᕕᒻᒥ ᐅᓪᓗᒥᐅᔪᖅ ᓱᓕ ᐊᑐᕐᑕᐅᓱᓂ. ᐊᔪᕿᕐᑐᐃᔨᓄᑦ ᓵᒋᐊᕐᑎᓯᔨᓄᑦ ᓯᕗᓪᓕᒥ ᑕᒪᓐᓇ ᐊᓪᓚᒍᓯᖅ ᐊᑐᕐᑕᐅᓯᓚᐅᕐᑐᕕᓂᐅᑦᓱᓂ, ᐊᓪᓚᒍᓯᖅ ᐃᓄᓐᓄᑦ ᐊᑐᕐᑕᐅᓯᖏᓐᓇᓯᒪᔪᖅ ᐊᓪᓚᖃᑦᑕᐅᑎᓂᒃᑯᑦ, ᐅᓪᓗᓂᓗ ᐊᓪᓚᓯᒪᔪᓕᐅᕈᑎᐅᓯᑦᓱᓂ ᐊᒻᒪᓗ ᐅᓪᓗᑕᒫᑦ ᖃᐅᔨᒪᔭᐅᒋᐊᓕᓐᓂᒃ ᐊᓪᓚᒍᓯᐅᓯᑦᓱᓂ.

Back to Top