Skip to Main Contents

ᓄᓇᙳᐊᑦ | ᐃᓕᑕᕆᔭᐅᓂᕐᑖᑐᑦ | ᖃᐅᔨᒋᐊᕐᕕᒋᑎᒍᑦ | Français | English

Portrait of Julie Grenier, smiling.

ᓇᓗᓀᕐᑕᐅᔪᑦ

ᔫᓕ ᑯᕆᓃ

ᓯᓚᕐᔪᐊᒃ ᒪᕐᕈᐃᒃ ᑲᑎᖃᑎᒌᓐᓂᖓᑦ • ᔫᓕ ᑯᕆᓃ

Portrait of Julie Grenier holding a white garment ornamented with pearls and pieces of blown glass.

ᔫᓕ ᑯᕆᓃ

ᐃᓅᓕᕐᓯᒪᑦᓱᓂ ᑰᒃᔪᐊᒥ, ᔫᓕ ᑯᕆᓃ ᓴᓇᖕᖑᐊᑎᐅᕗᖅ ᓴᐸᖓᓂᒃ ᑲᔪᓯᒃᑫᔨᐅᑦᓱᓂᓗ ᑕᕐᕋᒥᐅᑦ ᓂᐱᖓᒃᑯᓂ ᑎᓕᔭᐅᒪᒍᑎᓕᓐᓂ ᖁᕝᕙᑎᕆᓂᕐᒥᒃ ᐃᓄᐃᑦ ᐃᓗᕐᖁᓯᖓᓐᓂᒃ ᑕᐅᑐᑦᑕᐅᒍᓯᖏᓐᓂᓗ, ᐃᓄᑐᐃᓐᓇᓄᑦ ᐃᓄᑐᐃᓐᓇᓅᓕᖓᑦᓱᓂᓗ. ᓄᓇᖃᕐᖄᓯᒪᔪᑦ ᑕᑯᓐᓇᕋᑦᓴᓕᕆᔨᖏᓐᓄᑦ ᑲᑎᖕᖓᔨᐅᖃᑕᐅᒻᒥᔪᖅ.

« ᓄᓇᕕᒻᒥᐅᑦ ᑎᑭᑕᐅᓕᓚᐅᕐᓂᕋᒥᓂᑦ ᐃᓗᕐᖁᓯᖃᑎᒌᖕᖏᑐᑦ ᐱᑕᖃᕐᐳᑦ. ᐃᓅᑦᔪᓯᖅ ᐊᓯᑦᔨᕙᓪᓕᐊᓂᖃᕋᔭᕐᓂᖏᓪᓚᖅ ᐱᐅᓯᕆᓱᒥᑐᑦ. ᐊᖓᔪᕐᖄᑲ ᓄᐃᑕᑎᑦᓯᕘᒃ ᑕᕐᕋᒥᐅᓪᓗ-ᓯᕿᓂᕐᒥᐅᓗ ᑲᑎᓯᒪᓂᖏᓐᓂᒃ, ᑕᒪᓐᓇᓗ ᐅᓪᓗᒥᐅᓕᕐᑐᖅ ᐊᑯᓓᓕᕙᓪᓕᐊᑐᐃᓐᓇᓱᓂ. ᓄᓇᕕᒻᒥ ᓲᕐᓗ ᖄᕐᓂᐊᓂᕐᑕᖃᕐᐳᖅ, ᐃᓘᓐᓇᑎᓪᓗ ᐊᖏᖃᑎᒌᖕᖏᓚᑦ, ᐊᑦᔨᐅᑐᐃᓐᓇᑐᑦ ᐊᓯᓄᑦ ᐃᓅᑦᔪᓯᓕᓐᓄᑦ. ᑌᒣᒐᓗᕐᓱᑎᒃ ᐃᓅᖃᑎᒌᑦᓴᔭᐅᖕᖏᑐᑦ ᐃᓅᖃᑎᒌᓐᓂᖃᑦᓯᐊᕈᓐᓇᐸᒃᑯᕗᑦ.

ᑰᒃᔪᐊᖅ ᐊᑦᔨᐅᖏᑦᑐᖅ. ᐃᓄᒋᐊᓐᓂᓴᐅᒐᒥ, ᐃᒻᒥᒎᓇᕐᑎᓂᕐᓴᐅᓱᑎᒃᓗ, ᐃᓚᖏᑦ ᐃᓄᑐᐃᓐᓀᑦ, ᒍᐃᒍᐃᓪᓗ, ᖃᓪᓗᓈᓪᓗ ᐅᕝᕙᓘᓐᓃᑦ ᑕᒃᒐᓂᑦᓭᓇᖅ ᐱᓇᓱᖃᑎᒌᑦᑐᑦ.

ᓄᓇᕕᒻᒥᐅ ᐃᓅᑦᔪᓯᖃᕐᒪᑕ ᖃᒻᒥᐊᐱᒃᑯᑦ, ᐊᕐᕌᒍᐃᑦ ᐊᓯᑦᔨᓯᒪᔪᒥᒃ, ᐊᕐᕌᒍᑦ 60 ᐊᓂᒍᕐᑐᑦ ᓄᑦᑕᖏᓐᓇᓕᒫᕐᓱᑎᒃ ᐃᓅᓯᖃᓚᐅᕐᓯᒪᑎᓪᓗᒋᑦ, ᐃᓚᒌᖑᓈᕐᑎᓱᑎᒃ ᐊᒥᓱᐃᖑᑦᓱᑎᓪᓗ ᓅᑲᑕᑉᐸᑐᕕᓂᐅᔪᑦ. ᐊᑯᕐᖓᒥᓐᓂ ᐃᓅᖃᑎᒌᒍᓐᓇᓯᒋᐊᖃᕐᓯᒪᔪᑦ ᓄᓇᓕᖃᓯᑦᓱᑎᒃ ᐃᓄᒋᐊᓐᓂᓴᓂᒃ ᓄᓇᓕᖃᓕᕋᒥᒃ ᐊᖏᔪᒥᒃ ᐊᓯᑦᔨᒋᐊᖃᕐᓯᒪᔪᑦ.

ᐃᓱᒪᔪᖓᓕ, ᐅᓪᓗᒥ ᐅᕕᒃᑫᑦ, ᐱᐅᓯᑐᖃᑦᑎᓂᒃ ᑲᔪᓯᑎᑦᓯᓂᖃᑦᓯᐊᕆᐊᖏᑦ. ᐃᓄᐃᑦ ᐅᑭᐅᖃᑎᒃᑲ ᐃᓚᖏᑎᒍᑦ ᐱᔪᕆᒍᑎᖃᕈᓐᓇᓯᒪᖕᖏᒪᑕ, ᕿᐱᓗᐊᑦᓱᑎᒃ ᐱᐅᓯᑐᖃᑦᑎᓂᒃ ᖃᓪᓗᓈᑎᑐᑦ ᐊᓪᓛᑦ ᐃᓅᓯᖃᓪᓚᕆᒐᓱᓕᕐᓱᑎᒃ … ᑭᓯᐊᓂᓕ ᐅᓪᓗᒥ ᐅᕕᒃᑲᓂᒃ ᑕᑯᕙᓕᕐᐳᒍᑦ ᐃᓄᑐᐃᓐᓇᐅᓂᕐᒥᓂᒃ ᐱᔪᕆᒪᒍᑎᓕᓐᓂᒃ.

ᐊᔨᒋᔭᐅᒻᒥᔪᖅ ᐃᓄᒃᑎᑑᕐᓂᓗ ᐊᐅᓪᓛᓯᒪᓂᐅᖃᑦᑕᓯᒪᔪᓪᓗ, ᐅᕕᒃᑫᑦ ᐊᓃᕈᒪᓂᖃᕐᐸᓕᕐᒪᑕ. ᓲᕐᓗ ᑎᒍᓯᒋᐊᑦᓯᐊᓯᒪᔪᑦ ᐱᔪᕆᒪᒍᓐᓇᐅᑎᒥᓐᓂᒃ, ᐅᖄᕙᓕᕐᓱᒍᓗ. ᐃᓕᓐᓂᐊᕕᓐᓂᒐᓴᒃ, ᓇᑯᕐᒪᑕ ᐃᓗᕐᖁᓯᕐᒥᒃ ᐃᓕᓭᕙᑦᑐᑦ, ᐅᕕᒃᑫᑦ ᒪᙯᕝᕕᓕᐊᕐᓂᓴᐅᓱᖑᓕᕐᖁᑦ ᐊᓃᕐᓂᓴᐅᓕᕐᓱᑎᒃᓗ.

ᐃᓄᐃᑦ ᐃᓚᖏᑦ ᐅᑭᐅᖃᑎᒃᑲ, ᐊᕙᑎᓪᓗ ᖁᓕᓪᓗᓃᑦᑐᓂᒃ ᐅᑭᐅᖃᓯᕐᖃᒦᑦ, ᐅᖃᓲᖑᕗᑦ ᑲᖕᖑᓱᖃᑦᑕᓯᒪᒋᐊᒥᒃ ᓇᑭᕐᖓᓂᑕᐅᓂᕐᒥᓂᒃ ᖃᐅᔨᔭᐅᑎᑦᓯᒋᐊᒥᒃ, ᐃᑉᐱᒍᓲᒻᒥᓚᐅᖕᖏᓂᕐᒥᓂ ᓇᑭᕐᖓᓂᑕᐅᓂᕐᒥᓂᒃ ᐅᐱᒍᓲᑎᖃᕐᑐᓴᐅᓂᕐᒥᓂᒃ. ᑕᒪᓐᓇ ᐃᑉᐱᒋᓕᕐᑕᖓᑦ ᕿᑐᕐᖓᒥᓐᓄᑦ ᑐᓂᓯᒪᔭᖓᑦ, ᐱᔪᕆᒪᒍᓐᓇᑐᓂᒃ ᕿᑐᕐᖓᖃᕐᐸᓕᕐᑐᑦ.

ᑕᒪᓐᓇ ᑌᒫᒃ ᐃᓱᒻᒪᓯᕐᑕᓯᒪᓂᐅᓕᕐᑐᖅ ᐊᑕᐅᓰᓂᑦ ᐱᓯᒪᖕᖏᑐᖅ, ᐱᓯᒪᓪᓚᕆᒃᑲᒥ ᐊᒥᓱᐃᓂᑦ ᐊᑦᔨᒌᑦᑎᖏᑦᑐᓂᑦ ᐱᒐᓱᕝᕕᓴᓂᑦ ᐃᓄᓐᓄᑦ ᐱᒍᒪᓕᕈᑎᐅᓯᒪᔪᓂᒃ ᐃᓕᑦᓯᔭᖃᕈᒪᓂᕐᒥᒃ ᑭᖑᕚᕆᓚᖓᔭᒥᓄᓪᓗ ᕿᒻᒪᖀᓂᕐᒥᒃ. ᓲᕐᓗ, ᐊᖏᔪᒥᒃ ᐊᔭᐅᕆᒍᑎᖃᓯᓚᐅᔪᒻᒪᑕ, ᐊᕙᑕᖅ ᐱᐅᓯᑐᖃᓕᕆᔨᒃᑯᑎᒍᑦ, ᐃᓕᓐᓂᐊᕕᑦᑎᒍᑦ ᒪᑭᕝᕕᑯᓪᓗᐊᓪᓛᑦ, ᒥᕐᓱᕕᓐᓂ ᓇᑉᐹᑎᕆᓯᑦᓱᑎᒃ ᓄᓇᓕᓐᓂ, ᐊᓱᐃᓛ ᑲᑎᖕᖓᓗᑕ ᐃᓕᓐᓂᐊᖃᑎᒌᓪᓗᑕ ᐅᐸᒐᑦᓴᑖᓕᓚᐅᔪᕗᒍᑦ. ᑮᓇᐅᔭᖃᕐᑎᑕᐅᒍᑎᑖᖃᑦᑕᓕᕐᓱᑕᓗ ᒥᕐᓱᕋᑦᓴᓂᒃ ᓂᐅᕕᕈᑎᑦᓴᑎᓐᓂᒃ ᐃᓕᓐᓂᐊᑎᑦᓯᔨᖃᕐᑎᑕᐅᒍᑎᑦᓴᑎᓐᓂᓗ. ᐊᒥᓱᐃᑦ ᓱᓂᐅᔪᑦ ᐃᑲᔪᕐᓯᓯᒪᕗᑦ ᑎᑭᐅᑎᓯᒪᓕᕐᓂᑎᓐᓂᒃ ᐅᓪᓗᒥ ᐱᐅᓯᕆᓕᕐᑕᑎᓐᓄᑦ.

ᐅᓪᓗᒥᓕ, ᐅᕕᒃᑲᓂᒃ ᐅᖄᖃᑎᖃᕐᓱᓂ, ᑐᓴᕐᓴᐅᓕᕐᐳᑦ ᐱᔪᕆᓂᒻᒪᕆᖃᕆᐊᖏᑦ… ᐱᔪᕆᒍᑎᖃᕐᓱᑎᒃ ᐅᖃᐅᓯᕐᒥᓂᒃ ᓇᑭᕐᖓᓂᑕᐅᓂᕐᒥᓂᓪᓗ. ᑕᒪᓐᓇ ᐱᐅᓯᑐᐃᓐᓇᑯᑦ ᓴᕐᕿᔮᕐᓂᖃᕐᑐᖅ.»

Back to Top