Skip to Main Contents

ᓄᓇᙳᐊᑦ | ᐃᓕᑕᕆᔭᐅᓂᕐᑖᑐᑦ | ᖃᐅᔨᒋᐊᕐᕕᒋᑎᒍᑦ | Français | English

Pieces of erasers having been engraved to create prints. On each of them is the face of a mythological creature.

ᓇᓗᓀᕐᑕᐅᔪᑦ

"ᐅᔭᕂᑦ ᐅᖄᑎᑕᐅᒍᓐᓇᖃᑦᑕᑐᕕᓂᐅᑦᓱᑎᒃ ᑖᕙᓂ ᑮᓇᙳᑦ ᓂᐯᕈᑦᓯᒪᕗᑦ.", ᕿᕐᓂᑌᓐᓇᒧᑦ ᐊᒡᓚᖑᐊᕐᑕᐅᓯᒪᔪᑦ

ᐃᑳᕐᕕᒃ ᐊᑑᑎᓯᒪᔪᓅᕈᑎᐅᑦᓱᓂ

ᐱᐅᓯᑐᖃᓕᒫᓂ, ᐃᓄᑐᓈᕐᑎᑐᑦ ᐊᒥᓲᓈᕐᑎᑐᓄᓪᓗ ᐊᐅᓚᔨᔭᐅᔪᐃᑦ ᐃᓪᓕᓇᕐᑐᖁᑎᒋᔭᐅᔪᑦᓴᐅᕗᑦ ᐊᒻᒪᓗ ᐱᐅᓕᐊᕐᑕᐅᔪᑦᓴᐅᓱᑎᒃ. ᖃᐅᔨᒐᓱᐊᕐᕕᓭᑦ ᐊᒥᓱᒻᒪᕆᐅᓕᕐᒪᑕ, ᐊᒥᓱᒻᒪᕆᐊᓗᓐᓂᒃ ᐱᐅᓕᐊᕈᓐᓇᕕᖃᓕᕐᑐᖅ ᑐᓂᔭᐅᑎᑦᓯᒍᓐᓇᕕᖃᓕᕐᓱᓂᓗ ᑕᒪᒃᑯᓂᖓ ᐊᐅᓚᔨᔭᐅᔪᓂᒃ. ᐃᓓᓐᓈᐱᖏᑦ, ᑭᓯᐊᓂ, ᓱᕐᕂᓂᖃᒻᒪᕆᓲᑦ ᑐᕂᓇᑐᑎᒍᑦ, ᑕᒃᑯᒧᓪᓗ ᑐᑭᓯᒪᖃᑎᒌᓐᓂᑎᒍᑦ. ᑌᒣᑦᑐᑎᒍᑦ ᑭᓯᐊᓂ ᑭᖑᕚᓄᑦ ᓄᑖᓄᑦ ᐃᕐᖃᐅᒪᔭᐅᒍᓐᓇᓯᒍᓐᓇᓱᑎᒃ, ᑌᒣᒻᒪᑦ ᐱᐅᓯᐅᒥᑎᑦᓯᒍᓐᓇᓚᕆᑦᑐᑦ ᐱᐅᓯᑐᖃᕐᑎᒍᑦ ᐅᓂᒃᑳᑐᐊᓂᒃ, ᐃᓪᓕᓇᕐᑐᖁᑎᒋᔭᐅᔪᓂᒃ ᐊᒻᒪᓗ ᖃᐅᔨᒪᓂᕆᔭᐅᔪᓂᒃ. ᑖᒃᑯᐊ ᐃᓕᓐᓂᐊᕕᒻᒥ ᐱᓇᓱᐊᕐᑕᐅᔪᕕᓃᑦ ᐅᑦᑑᑎᑦᓯᐊᒍᕗᑦ ᐱᐅᓕᐊᕈᓐᓇᐅᓯᓄᑦ ᐃᓚᒋᔭᐅᒻᒪᑕ ᐊᐅᓚᔨᔭᐅᔪᓂᒃ ᐆᒪᑎᑦᓯᖏᓐᓇᓚᖓᒻᒪᑕ.

ᓈᓚ ᓇᑉᐹᓘᒃ ᐊᐅᓚᔨᔭᖏᑦ

ᒣ 2006-ᒥ, ᐃᓕᓐᓂᐊᑏᑦ ᐊᕐᓴᓂᖅ ᐃᓕᓐᓂᐊᕕᒻᒥ ᑲᖏᕐᓱᔪᐊᒥ ᑲᑎᒪᔭᐅᒍᓐᓇᓗᑯᑦᑐᕕᓂᐅᒻᒪᑕ ᓈᓚ ᓇᑉᐹᓗᒻᒧᑦ, ᓄᓇᓕᒻᒥᓂ ᐃᓄᒻᒪᕆᒧᑦ. ᐃᓕᓐᓂᐊᑏᑦ ᓈᓚᒧᑦ ᑲᑎᔭᐅᓂᕕᓂᕐᒥᓄᑦ ᐊᓪᓚᖑᐊᕐᑕᕕᓂᖏᑦ ᑲᑎᕐᓱᐊᒍᓚᕿᓚᐅᔪᑦ ᓈᓚᐅᑉ ᐊᐅᓚᔨᔭᖏᑦ ᐱᐊᕋᕐᓅᔭᕐᑕᐅᑎᓪᓗᒋᑦ. ᐅᕕᒃᑫᑦ ᐃᓱᒪᑖᕆᔭᖏᑦ ᑕᑯᓐᓈᖑᐊᓚᕿᔭᕕᓂᖏᑦ ᐊᑐᕐᓂᖃᓚᕿᑦᓱᒋᑦ ᐅᓂᒃᑳᕆᐊᓪᓚᑖᕈᓐᓇᓯᔭᐅᒻᒪᑕ ᐃᓅᓯᓕᒫᖅ...

Child's drawing illustrating a mountain with the entrance to a circular cave, with, at the foot of the mountain, a body of water where fish and cetaceans swim.

ᑌᒃᓱᒪᐊᓂᓗᒃ, ᓈᓚ ᓵᑦᑕᓇᓯᐅᑉ ᐃᒡᓗᖓᓂᒃ ᑕᑯᓚᐅᕐᑐᕕᓂᖅ ᖃᕐᖃᒥ.
ᔫᐱ ᐊᕐᓀᑐᖅ

Child's drawing of a character in a boat, next to which a polar bear swims. We see mountains in the background with an inuksuk on top of one of them.

ᑌᒃᓱᒪᓂᐊᓗᒃ, ᓈᓚ ᓇᓄᕐᒥᒃ ᐳᐃᑦᔪᑐᒥᒃ ᑕᑯᓚᐅᕐᑐᕕᓂᖅ ᑕᕆᐅᕐᒥ.
ᖃᓕᖑ ᔮᑲ

Child drawing of a character fishing on ice. The line must go down very low to reach the fish since the lake is very deep.

ᑌᒃᓱᒪᓂᐊᓗᒃ, ᓈᓚ ᐊᐅᓚᓴᕆᐊᓚᐅᕐᑐᕕᓂᖅ ᐱᖑᐊᓗᐃᒃ ᑕᓯᖓᓄᑦ. ᐊᐅᓚᓴᐅᑎᖏᑦᑕ ᐊᒃᓱᓈᓕᒫᖏᓂᒃ ᐊᑐᓚᐅᕐᑐᕕᓂᖅ ᑕᓯᖅ ᐃᑎᔪᓗᐊᕐᓂᑯᖓᓄᑦ.
ᓴᓗᒥ ᐊᕐᓀᑐᖅ

Drawing of hunters targeting walruses in the center. We can see the all-terrain vehicles of the hunters.

ᑌᒃᓱᒪᐊᓂᓗᒃ, ᓈᓚ ᐁᕕᕐᓯᐅᕙᑦᑐᕕᓂᖅ
ᐳᑐᓕᒃ ᓇᑉᐹᓗᒃ

Child's drawing showing two polar bears with, in the background, mountains and an inuksuk at the top.

ᑌᒃᓱᒪᓂᐊᓗᒃ, ᓈᓚ ᑕᑯᓚᐅᕐᑐᕕᓂᖅ ᓇᓅᓐᓂᒃ ᒪᕐᕉᓂᒃ.
ᐋᓚᓐ ᐸᓕᓴ

Child's drawing representing a fisherman on the ice with a very long line to catch elongated fish with an enlarged head.

ᑌᒃᓱᒪᓂᐊᓗᒃ, ᓈᓚ ᐃᖃᓗᓚᐅᕐᑐᕕᓂᖅ ᓵᑦᑐᔮᖑᑦᓱᓂ ᓂᐊᖁᕐᕙᓕᐊᓗᒻᒥᑦ ᐱᖑᐊᓗᐃᑦ ᑕᓯᖓᓂ.
ᐸᐅᓗᓯ ᔦᓴᓐ ᐃᕐᓂᖅ

Child's drawing showing a man fishing on ice with a long line to catch fish that are deep in the water.

ᑌᒃᓱᒪᓂᐊᓗᒃ, ᓈᓚ ᐊᐅᓚᓴᕆᐊᓚᐅᕐᑐᕕᓂᖅ ᐱᖑᐊᓗᐃᒃ ᑕᓯᖓᓄᑦ. ᐊᐅᓚᓴᐅᑎᖏᑦᑕ ᐊᒃᓱᓈᓕᒫᖏᓂᒃ ᐊᑐᓚᐅᕐᑐᕕᓂᖅ ᑕᓯᖅ ᐃᑎᔪᓗᐊᕐᓂᑯᖓᓄᑦ.
ᕕᑭ ᐅᕿᑦᑐᖅ

Child's drawing of a man aboard a motorboat that is about to harpoon a narwhal swimming underwater.

ᑌᒃᓱᒪᓂᐊᓗᒃ, ᓈᓚ ᓇᐅᓕᓚᕐᑐᕕᓂᖅ ᑑᒑᓕᒻᒥᒃ ᑲᖏᕐᓱᐊᐱᒻᒥ.
ᓵᒥ ᒥᕝᓱ

Child's drawing representing two men face to face, one of that actually is a dog walking, standing on his hind legs.

ᑌᒃᓱᒪᓂᐊᓗᒃ, ᓈᓚ ᑕᑯᓚᐅᕐᑐᕕᓂᖅ ᕿᖕᒥᒥᑦ ᐃᓄᒃᑎᑐᑦ ᐱᓱᒃᑐᒥᑦ
ᐸᐅᓗᓯ ᐃᕐᓂᖅ


Child's drawing representing an ice fisher with an extremely long line to reach the fish at the bottom of the water.

ᑌᒃᓱᒪᓂᐊᓗᒃ, ᓈᓚ ᐊᐅᓚᓴᕆᐊᓚᐅᕐᑐᕕᓂᖅ ᐱᖑᐊᓗᐃᒃ ᑕᓯᖓᓄᑦ. ᐊᐅᓚᓴᐅᑎᖏᑦᑕ ᐊᒃᓱᓈᓕᒫᖏᓂᒃ ᐊᑐᓚᐅᕐᑐᕕᓂᖅ ᑕᓯᖅ ᐃᑎᔪᓗᐊᕐᓂᑯᖓᓄᑦ.
ᐊᐅᐸᓗᒃ ᖁᒫᓗᒃ

Child's drawing representing a huge black shark with red fishes swimming around it.

ᑌᒃᓱᒪᓂᐊᓗᒃ, ᓈᓚ ᕿᕐᓂᑕᒥᒃ ᐃᖃᓗᒃᔪᐊᒥ ᑕᑯᓚᐅᕐᑐᕕᓂᖅ.
ᓲᓯ ᓇᑉᐹᓗᒃ

Child's drawing representing a man and a lynx, with, in the background, mountains with an inuksuk, and a starry sky under the moonlight.

ᑌᒃᓱᒪᓂᐊᓗᒃ, ᓈᓚ ᖁᑭᐅᑎᒥᓂᒃ ᐊᑐᕐᓱᓂ ᑎᕆᒐᓐᓂᐊᓂᐊᕐᐸᑐᕕᓂᖅ.
ᐊᕐᓇᐅᔭ ᕿᓰᖅ


ᐱᖓᓱᐃᑦ ᐅᓂᒃᑳᑐᐊᑦ

ᓄᐃᑕᐅᔪᕕᓃᑦ ᐱᐊᕋᕐᓄᑦ (ᑲᒃᑲᓛᓄᑦ) ᐊᕐᓴᓂᖅ ᐃᓕᓐᓂᐊᕕᒻᒥ ᐃᓕᓐᓂᐊᑎᓄᑦ ᑲᖏᕐᓱᔪᐊᒥ ᐊᓪᓚᒋᐅᕐᓴᑎᒋᑦᓱᒋᑦ, ᑖᒃᑯᐊ ᐱᖓᓱᐃᑦ ᐅᓂᒃᑳᑐᐊᑦ ᑕᒫᓂ ᓄᓇᕕᒻᒥ ᒥᑦᓯᖃᓪᓗᑐᑦᔭᑎᓐᓇᒋᑦ ᐅᓂᒃᑳᖑᐊᑦ ᐊᒻᒪᓗ ᐱᐅᓯᑐᖃᕐᑎᒍᑦ ᖃᐅᔨᒪᔭᐅᔪᑦ ᐃᓚᒋᔭᐅᒻᒥᔪᑦ.

ᐊᖓᒃᑯᖅ ᓵᓚᒋᔭᐅᓚᐅᕐᑐᕕᓂᖅ
ᑖᒥ ᕿᓰᑉ ᐅᓂᒃᑳᖓ

ᑌᒃᓱᒪᓂᐊᓗᒎᖅ ᐅᑭᐅᕐᑕᑐᒥ, ᓱᕈᓯᖃᓚᐅᕐᓂᖁᖅ ᐊᕐᓀᑐᒥᒃ ᐊᑎᓕᒻᒥᒃ. ᐊᑦᔨᒋᔭᐅᒐᓂ ᐃᓅᓚᐅᕐᑐᕕᓂᖅ ᐃᒡᓗᒥ ᐊᐳᑎᒥ ᐃᓅᓕᕐᑐᕕᓂᐅᑦᓱᓂ. ᖃᐅᔨᒪᓚᐅᕐᓂᖏᑦᑐᖅ ᐊᑦᔨᐅᖏᑦᑑᒋᐊᒥᓂᒃ ᐊᖓᔪᖅᑳᖏᑦ ᐊᖓᒃᑯᒧᑦ ᑐᖁᑕᐅᒻᒪᑕ ᐊᑦᔨᐅᖏᑦᑑᒋᐊᒥᓂᒃ ᖃᐅᔨᓕᑌᓐᓇᑐᕕᓂᖅ, ᐊᖓᔪᖅᑳᖏᓪᓗ ᑐᖁᑕᐅᒻᒪᑕ ᐃᓄᑐᑦᓱᓂ ᐃᒻᒥᓂᕿᑦᓱᓂ ᐱᕈᓚᐅᕐᑐᕕᓂᖅ. ᐃᓄᒻᒪᕆᖑᓕᕋᒥ, ᐊᖓᒃᑯᒥᒃ ᑐᖁᑦᓯᒋᐊᖃᕆᐊᒥᓂᒃ ᖃᐅᔨᓚᐅᕐᑐᕕᓂᖅ ᐊᖓᔪᖅᑳᖏᓐᓂᒃ ᑐᖁᑦᓯᔪᕕᓂᕐᒥᑦ. ᐅᓪᓗᐃᑦ ᐃᓚᖏᓐᓂ ᐊᕐᓀᑐᖅ ᐸᕐᓀᓯᓚᐅᕐᑐᕕᓂᖅ ᐊᖓᒃᑯᒥᑦ ᕿᓂᕆᐊᓯᑦᓱᓂ. ᐱᓱᓕᕋᓗᐊᕐᑎᓗᒍ ᓯᓚᕐᓂᓗᑉᐸᓕᐊᑐᐃᓐᓇᓕᕐᒪᑦ ᐊᓯᐅᒐᒥ ᓇᓂᒻᒪᖔᕐᒥᓗ ᖃᐅᔨᒪᒍᓐᓀᕋᒥ ᐊᖓᒃᑯᒥᓪᓗ ᓇᓃᒻᒪᖔᑦ ᖃᐅᔨᒪᑦᔭᒐᓂ. ᐊᕐᓀᑐᖅ ᐅᓪᓕᓯᓚᐅᕐᑐᕕᓂᖅ ᑕᙯᕐᓯᓚᐅᕐᑐᓯᑦᓱᓂ ᖃᒧᑎᒥᑕ ᖄᖓᓂ. ᑐᓴᓕᕐᑐᕕᓂᖅ ᑐᓂᒻᒥᓂ ᐱᓱᕝᕙᓚᑦᓯᔪᒥᑦ ᖃᓕᖑᐊᓯᔪᐊᓗᑦᓱᓂᓗ. ᖃᓂᓪᓕᕙᓪᓕᐊᔪᐊᓗᑐᐃᓐᓇᐅᓕᕐᒪᑦ ᕿᕕᐊᓕᕐᑐᕕᓂᖅ ᓱᓇᐅᕝᕙᒎᕆᓐᓇ ᓇᓄᖅ.

ᐊᕐᓀᑐᖅ ᐊᐱᕆᓕᕐᑐᕕᓂᖅ ᑭᓇᐅᒻᒪᖔᑦ. ᓇᓄᖅ ᑭᐅᔪᕕᓂᖅ "ᐋᑦᑕᓯᐅᕗᖓ" ᓚᐅᑦᓱᓂ. ᙯᒐᓕᕐᑐᐊᓗᑦᓱᓂᓗ ᐊᕐᓀᑐᒥᒃ ᐅᖃᐅᑏᓕᕐᑐᕕᓂᖅ "ᑕᒫᓂ ᓄᓇᖓᓂ ᓱᒐᓱᐊᕐᐱᑦ? ᑌᒣᓕᑦᓱᓂ. ᑭᐅᑦᓴᐅᑎᒋᙵ"1 ᑌᒣᓕᑦᓱᓂᓗ. ᐊᕐᓀᑐᖅ ᐅᖃᓕᕐᑐᕕᓂᖅ "ᐊᖓᒃᑯᕕᒥᑦ ᕿᓂᕐᖁᖓ ᐊᖓᔪᖅᑳᓃᕙᖓ ᑐᖁᑦᓯᓚᐅᔪᒻᒪᑦ." ᐊᕐᓀᑑᑉ ᑌᒣᓕᑦᓱᓂᐅᒃ ᑭᐅᓕᕐᑕᕕᓂᖓ. "ᓇᓂᒥᐅᖑᒻᒪᖔᕆᓐᓇ ᖃᐅᔨᒪᔭᕋ, ᑭᓯᐊᓂ ᐱᒍᓐᓇᓂᓕᕐᔪᐊᖑᒻᒪᑦ ᓴᙲᑑᓗᐊᕐᑐᑎᑦ. ᑐᕌᕐᑎᑎᑦᓯᐊᓗᑎᑦ ᓇᐅᓕᒋᐅᕐᓴᑎᑕᐅᒍᒪᕕᑦ?" ᑌᒣᓕᔭᐅᓕᔭᐅᑦᓱᓂ ᐊᐱᕆᔭᐅᓕᕐᑐᕕᓂᖅ.

ᐊᕐᓀᑐᖅ ᐱᒋᐅᕐᓴᑎᑕᐅᒍᒪᓕᕐᑐᕕᓂᐅᒐᒥ ᐱᒋᐅᕐᐸᓕᐊᑐᐃᓐᓇᓕᕐᑐᕕᓂᖅ ᖃᐅᑕᒫᑦ ᐱᒍᓐᓇᓯᕙᓪᓕᐊᑐᐃᓐᓇᓱᓂᓗ. ᐊᕐᓀᑐᖅ ᐱᓯᑎᙳᑐᐊᓗᑐᐃᓐᓇᐅᕋᑕᕋᒥ ᐋᑦᑕᓯᒧᑦ ᐅᖃᐅᑎᔭᐅᓕᕐᑐᕕᓂᖅ ᐊᖓᒃᑯᒥᒃ ᐹᓐᓂᓗᓂ ᐊᑐᐃᓐᓇᐅᓕᕐᓂᕋᕐᓱᒍ. ᓇᓄᕐᓗ ᐋᑦᑕᓯᓗ ᐊᖓᒃᑰᑉ ᓄᓇᖓᓅᓕᕐᑐᕕᓃᒃ. ᐊᕐᓀᑐᖅ ᐅᖃᓕᕐᑐᕕᓂᖅ "ᐊᖓᒃᑰᖅ1 ᐊᖓᔪᖅᑳᑲᓂᒃ ᑐᖁᑦᓯᓚᐅᔪᒐᕕᑦ ᐊᑭᒋᐊᕆᐊᕐᑐᐸᒋᑦ." ᑌᒣᓕᑦᓱᓂ. ᐊᕐᓀᑐᖅ ᐊᖓᒃᑯᒥᑦ ᓇᐅᓕᓐᓂᒋᐊᕐᓱᓂ ᓇᐅᓕᓐᓂᖏᑦᑐᖅ. ᐊᖓᒃᑯᒥᑦ ᐅᐸᑦᓯᓯᔪᕕᓂᖅ ᐹᓯᑦᓱᒍᓗ. ᐊᕐᓀᑐᖅ ᓇᐅᓚᒥᓂᒃ ᑕᑯᒐᒥ ᐅᐃᒪᒻᒪᕆᑦᓱᓂ ᑎᒍᓯᑲᓪᓚᓵᕋᓱᓯᔪᕕᓂᖅ ᑎᒍᒐᒥᐅᓪᓗ ᐊᖓᒃᑯᒥᑦ ᓇᐅᓕᓕᕐᑐᕕᓂᖅ ᑐᑯᑦᓴᐅᑎᒋᑦᓱᒍ. ᐊᖓᒃᑯᒥᑦ ᑐᖁᑦᓯᒐᒥ, ᐊᕐᓀᑐᖅ ᐋᑦᑕᓯᒥᒃ ᓇᑯᕐᒦᓕᕐᑐᕕᓂᖅ ᐃᑲᔪᕐᑎᕐᖃᐅᒐᒥᐅᒃ, ᐅᖃᐅᑎᑦᓱᒍᓗ ᐊᓂᕐᕋᒥᓄᑦ ᐅᑎᕆᐊᖃᕐᓂᕋᓕᕐᓱᓂ ᓄᓇᓕᒻᒥᓄᑦ. ᓱᕈᓯᕐᓗ ᓇᓄᕐᓗ ᐊᑦᓱᓀᖃᑦᑕᐅᑎᓕᕐᑐᕕᓃᒃ. ᐊᕐᓀᑐᖅ ᐊᓂᕐᕋᒧᐊᕐᐸᓕᐊᓯᔪᕕᓂᖅ ᑎᑭᒃᑲᒥᓗ ᓄᓇᓕᖓᓂᒥᐅᑦ ᖃᐅᔨᒪᑦᓯᐊᑐᐃᓐᓇᑐᕕᓃᑦ ᓱᔪᕕᓂᐅᒻᒪᖔᑦ. ᑕᑯᓕᕋᒥᒃ ᐊᕐᓀᑐᒥᒃ ᙯᒐᔨᓚᓕᕐᑐᕕᓃᑦ "ᓇᑯᕐᓴᖁᖅ1 ᐊᕐᓀᑐᖅ" ᑌᒣᓗᕐᑕᐅᓱᓂ ᖁᕕᐊᓱᒍᑎᖃᓕᕐᑐᕕᓃᑦ ᐊᖓᒃᑯᒥᑦ ᑐᖁᑦᓯᒪᑦ ᐃᓅᓯᓕᒫᒥᓄᓗ ᐃᓗᓐᓇᑎᒃ ᐊᓕᐊᓱᑐᐃᓐᓇᓕᕐᑐᕕᓂᐅᑦᓱᑎᒃ ᑖᕗᖓᓕᒫᖅ ᑭᖑᓂᒐᒍᑦ. ᑕᕝᕙ ᐃᓱᐊ

ᓇᓅᑉ ᐃᓅᓯᖓ
ᐱᐊᕆ ᐊᕐᓀᑑᑉ ᐅᓂᒃᑲᓕᐊᕕᓂᖓ

ᐅᓪᓛᑯᑦ ᓇᓄᕐᒥᒃ ᐊᑎᓕᒃ, ᐃᓅᓱᑦᑑᓱᓂ ᐃᓄᒃ ᐃᖃᓗᒻᒥᒃ ᓂᕆᑦᓱᓂ ᙯᒐᓕᕐᕙᓛᔪᒥᒃ ᑐᓴᕐᑐᕕᓂᖅ.

ᓱᓇᐅᕝᕙ ᓯᓚᒥ ᐊᖓᒃᑯᖅ ᐊᑦᑕᓇᕐᑐᒦᓕᕋᒥ ᙯᒐᓕᕐᑐᕕᓂᖅ. ᐆᒪᔪᒧᑦ ᓄᑖᒧᑦ ᓄᐃᒐᓱᐊᕐᑕᒥᓄᑦ ᓇᓄᕐᒧᑦ ᑐᖁᑕᐅᒐᓱᐊᓯᓐᓂᕋᒥ. ᓇᓄᕐᒥᒃ ᐊᑎᓕᒃ ᐃᓅᓱᑦᑑᓂ ᐊᖓᒃᑰᑉ ᓄᐃᒐᓱᐊᕐᑕᖓᓂᒃ ᓇᓄᕐᒥᒃ ᑐᖁᑦᓯᒪᑦ, ᐊᖓᒃᑰᑉ ᐁᑦᑐᕈᒪᓕᕐᑕᕕᓂᖓ ᑐᓂᕐᕈᑎᒥᓂᒃ. ᐊᖓᒃᑯᒧᑦ ᖁᖏᓯᕐᒥᐅᑕᒥᒃ ᐁᑦᑐᑕᐅᓕᕐᑐᕕᓂᖅ ᖁᖏᓯᕐᒥᐅᑕᓕᐊᕕᓂᖓᓂᒃ ᐊᖓᒃᑰᑉ, ᑭᓯᐊᓂ ᐊᖓᒃᑯᖅ ᖁᖏᓯᕐᒥᐅᑕᒥᒃ ᐁᑦᑐᕋᒥᐅᒃ ᐳᐃᒍᕐᑐᕕᓂᖅ ᐅᖃᐅᑏᒋᐊᒥᒃ. ᓇᓄᖅ ᖁᖏᓯᕐᒥᐅᑕᒥᒃ ᐊᑐᕐᓱᓂ ᐅᓐᓄᐊᒥ ᓇᓄᕉᕐᑐᕕᓂᖅ. ᓇᓄᖅ ᖁᖏᓯᕐᒥᐅᑕᒥᒃ ᐊᑐᕐᓱᓂ ᑐᐸᒐᒥ ᐊᐳᑎᒥᒃ ᐊᐅᖏᓐᓇᒥᒃ ᑕᑯᓕᕐᑐᕕᓂᖅ ᑮᓇᕐᒥᓂᓗ ᐊᐅᖏᓐᓈᓗᒻᒥ ᑕᑯᑦᓱᓂ. ᓱᔪᕕᓂᐅᒻᒪᖔᕐᒥᒃ ᖃᐅᔨᒪᑦᔭᒐᓂ.

ᐃᕐᙯᕙᓪᓕᐊᓕᕋᒥ ᓯᓐᓇᑐᒪᑐᐃᓐᓇᑐᕕᓂᐅᔪᕆᔪᖅ. ᐃᓚᒥᓂᒃ ᑐᖁᑦᓯᔪᕕᓂᐅᒋᐊᒥᒃ ᐃᕐᙯᓱᓂ.

ᐃᒡᓗᒥᓂᑦ ᐊᓂᒐᒥ ᑕᑯᓕᕐᑐᕕᓂᖅ ᑐᖁᑦᓯᔪᕕᓂᐅᒋᐊᒥᓂᒃ. ᓇᓄᕉᕐᑐᐊᓗᒐᒥ ᐃᓚᒥᓂᒃ ᑐᖁᑦᓯᔪᕕᓂᖅ.

ᓱᓀᕈᑦᓯᐊᑐᕕᓂᖅ. ᐊᖓᒃᑯᒧᑦ ᐅᑎᓕᕐᑐᕕᓂᖅ ᖃᐅᔨᒋᐊᓯᑦᓱᓂ ᓱᓐᓂᒪᖔᕐᒥ.

ᐊᖓᒃᑰᑉ ᐅᖃᐅᑎᓕᕐᑕᕕᓂᖓ "ᐱᒍᓐᓇᐅᑎᓐᓂᒃ ᐊᐅᓚᑦᓯᒍᓐᓇᕆᐊᖃᕐᐳᑎᑦ ᐊᐅᓚᑕᐅᖔᕈᓐᓀᓗᑎᑦ." ᑌᒣᓕᔭᐅᔪᕕᓂᖅ. ᓇᓄᖅ ᓇᓄᕉᓚᐅᕐᑐᕕᓂᖅ ᑌᒫᒃ.

ᐃᕙᒃᑲᒋᐊᙵᐅᑎᕕᓂᖅ
ᔫᓕᐊ ᐋᕐᖓᒧᑦ ᐅᓂᒃᑳᓕᐊᕕᓂᖅ

ᐊᖑᑎᖃᓚᐅᕐᑐᕕᓂᐅᕗᖅ ᔮᓂᒥᒃ ᐊᑎᓕᒻᒥᒃ. ᐅᑭᐅᖑᑎᓪᓗᒍ ᓱᓇᓱᐊᕋᑦᓭᓘᓕᕋᒥ ᕿᒧᑦᓯᓯᓚᐅᕐᑐᕕᓂᖅ. ᐊᓕᐊᓱᒍᓗᐊᐱᓕᕋᒥ ᕿᒧᑦᓯᓱᓂ ᓄᓇᕕᓕᒫᒧᑦ ᕿᒧᑦᓯᓚᐅᕐᑐᕕᓂᖅ. ᓯᕗᓪᓕᐹᑦᓯᐊᖑᑦᓱᓂ ᓄᓇᕕᓕᒫᒥᒃ ᓈᔨᑦᓱᓂ ᕿᒧᑦᓯᒋᐅᖅᑳᓚᐅᕐᑐᕕᓂᖅ.

ᐆᓀᑦᑐᒪᕆᐊᓘᒐᓗᐊᕐᒪᑦ ᐅᑭᐅᑐᐃᓐᓈᓗᒻᒥ, ᔮᓂ ᓄᓇᕕᒻᒥ ᓄᓇᓕᓕᒫᓄᑦ ᕿᒧᑦᓯᑐᕕᓂᖅ. ᐃᓄᓐᓄᑦ ᐊᓕᐊᒋᔭᐅᒻᒪᕆᑦᓱᓂ ᑲᔪᖏᕐᓴᑕᐅᒻᒪᕆᖃᑦᑕᓱᓂ ᓄᓇᓕᓐᓅᑐᐊᕐᒪᑦ. ᓱᑲᓕᐅᑎᔫᔮᕐᓱᓂ. ᐊᓂᕐᕋᒥᓄᑦ ᑎᑭᒃᑲᒥ ᐃᓚᒥᓂᒃ ᐅᖃᐅᑏᓕᕐᑐᕕᓂᖅ ᐊᓕᐊᓈᕐᑐᒪᕆᐊᓗᕕᓂᐅᓂᕂᑦᓱᓂ. ᐊᕐᓇᖓᑕ ᐊᐱᕐᓱᓕᕐᑕᕕᓂᖓ, "ᐊᕐᕌᒍᓛᕐᑐᒥ ᕿᒧᑦᓯᓛᖏᓐᓈᕿᑦ?" ᔮᓂ ᑭᐅᓕᕐᑐᕕᓂᖅ ᐃᒣᓕᑦᓱᓂ: "ᒪᕆᐊᓗᒃ1 ᐊᓕᐊᓈᕐᑐᒪᕆᐅᓚᕐᒪᑦ ᐊᒻᒪᓗ ᐃᓄᓐᓄᑦ ᓲᓱᒋᔭᐅᑦᓯᐊᖃᑦᑕᓚᐅᕐᓱᖓᓘᕋᒪ, ᐊᕐᕌᒍᑕᒫᑦ ᐊᒥᓱᐊᓗᓐᓂᒃ ᕿᒧᑦᓯᖃᑎᖃᓛᕈᒪᓕᕐᖁᖓ. ᐊᒥᓱᕋᑕᕐᓂᒃ ᐱᖃᓐᓈᑖᓚᐅᕋᒪ ᓄᓇᕕᓕᒫᒥ, ᐃᓄᑦᓯᐊᕖᙵᐅᖃᑦᑕᓚᐅᕐᓱᑎᓪᓗ, ᐃᓚᐅᒍᒪᒐᔭᕐᑐᓴᐅᒻᒪᑕ.

ᐊᕐᕌᒎᓛᕐᑐᒥ ᐅᕙᓐᓂᒃ ᒪᓕᑦᑎᓗᑎᑦ ᐱᖃᓐᓈᑖᕆᓯᒪᔭᓕᒫᒃᑲᓂᒃ ᑕᑯᓛᕋᕕᑦ." ᔮᓂ ᑌᒣᓕᔪᕕᓂᖅ. ᐊᕐᕌᒎᓕᕐᒥᒪᑦ ᐊᐱᕆᖃᑦᑕᓕᕐᑐᕕᓂᖅ ᕿᒧᑦᓯᓲᓂᒃ ᕿᒧᑦᓯᓗᑎᒃ ᓱᑲᓕᐅᑎᖃᑕᐅᒍᒪᒻᒪᖔᑕ ᐊᕐᕌᒎᓕᕐᒥᐸᑦ ᐊᒻᒪᓗ ᐊᖏᕐᑐᕕᓂᐅᑦᓱᑎᒃ. ᐊᓱᐃᓛᒃ ᐊᕐᕌᒍᓕᕐᒥᒪᑦ, ᓯᕗᓪᓕᐹᑦᓯᐊᒥ ᐃᕙᒃᑲᑐᑦ ᐱᒋᐊᙵᓕᕐᑐᕕᓃᑦ.

ᑕᕝᕙ ᐃᓱᐊ


ᑮᓇᙳᐊᑦ ᖃᔭᕐᑕᓕᒻᒥ

ᕿᑭᕐᑕᒥ ᑲᖏᕐᓱᔪᐊᑉ ᓯᑦᔭᖓᓂ ᐅᔭᕂᑦ ᓄᐃᑦᓯᕕᐅᓯᒪᔪᑦ ᑮᓇᙳᐊᓂᒃ ᑐᓂᖃᓲᒍᐃᓐᓈᑎᓪᓗᒍ ᓴᓇᔭᐅᓚᐅᕐᑐᕕᓂᕐᓂᒃ. ᑖᕙᓂ, ᖃᔭᕐᑕᓕᐅᓂᕋᕐᑕᐅᔪᒥ, ᐃᓕᓐᓂᐊᑏᑦ ᑮᓇᐅᙳᐊᑦ ᒥᑦᓵᓄᑦ ᐃᓕᓐᓂᐊᑎᑕᐅᓚᐅᔪᑦ ᐊᕐᓴᓂᖅ ᐃᓕᓐᓂᐊᕕᒻᒧᑦ, ᐃᓅᓱᑦᑐᐃᑦ ᑮᓇᙳᐊᓂᒃ ᐊᓪᓚᖑᐊᕐᑎᑕᐅᑦᓱᑎᒃ ᑌᑦᓱᒪᓂᐊᓗᓂᑕᕐᓂᒃ. ᐃᓕᓐᓂᐊᑏᑦ ᐱᓇᓱᐊᕐᑕᖓ ᐊᑦᓯᕋᕐᑕᐅᒍᑎᖃᓚᐅᔪᖅ ᐃᒫᒃ; "ᐅᔭᕂᑦ ᐅᖄᑎᑕᐅᒍᓐᓇᖃᑦᑕᑐᕕᓂᐅᑦᓱᑎᒃ ᑖᕙᓂ ᑮᓇᙳᑦ ᓂᐯᕈᑦᓯᒪᕗᑦ."

Stamped page of the faces of fantastical creatures.

"ᐅᔭᕂᑦ ᐅᖄᑎᑕᐅᒍᓐᓇᖃᑦᑕᑐᕕᓂᐅᑦᓱᑎᒃ ᑖᕙᓂ ᑮᓇᙳᑦ ᓂᐯᕈᑦᓯᒪᕗᑦ."
ᖃᔭᕐᑕᓕᒻᒥ ᑮᓇᙳᐊᓕᐊᖑᖃᑦᑕᓯᒪᔪᑦ

Back to Top