Skip to Main Contents

ᓄᓇᙳᐊᑦ | ᐃᓕᑕᕆᔭᐅᓂᕐᑖᑐᑦ | ᖃᐅᔨᒋᐊᕐᕕᒋᑎᒍᑦ | Français | English

Silhouette tundra horizon, covered by a sky with clouds separating after the storm.

ᐃᓄᑦᑕᖏᑦ

ᓇᐹᕐᑐᖃᖕᖏᑐᖅ

ᑐᓂᖅᑳᕕᓂᐊᓗᐃᑦ
(4,000-ᒥᑦ 2,500-ᒧᑦ ᐊᕐᕌᒍᐃᑦ ᓈᓕᕐᑐᑦ ᐅᓪᓗᒥᒧᑦ)

ᑲᓇᑕᐅᑉ ᑭᑖ ᓯᕿᓂᐅᑉ ᓄᐃᕕᐊᓂᐅᓂᕐᓴᖅ ᐃᓄᓐᓄᑦ ᓇᔪᕐᑕᐅᓯᓚᐅᕐᓯᒪᑎᓪᓗᒍ 4,500 ᐊᕐᕌᒍᐃᑦ ᓈᓕᕐᑐᑦ ᐅᓪᓗᒥᒧᑦ. ᐳᕆᖕᑭᐊᒥᐅᑦ ᐃᓄᖏᑦ ᑕᒪᙵᐸᓪᓕᐊᓯᓚᐅᕐᑐᕕᓃᑦ ᓯᓚ ᐅᕐᖂᓯᕙᓪᓕᐊᓕᕐᒪᑦ. ᐊᖑᓇᓱᑦᑏᑦ, ᓭᐱᐅᔨᐊᒥᐅᑦ, ᐊᓚᔅᑲᒥ ᓄᓇᓯᒪᓯᓐᓂᒥᔪᑦ, ᑭᓯᐊᓂ ᐅᑭᐅᕐᑕᑐᓕᒫᒧᑦ ᐃᕐᐸᓕᕐᓂᒥᔪᑦ ᑭᖑᓂᐊᒍᑦ, ᑕᓪᓗᕈᑎᐅᑉ ᕿᑭᕐᑕᖓ ᐱᒋᐊᕐᓱᒍ ᓛᐸᑐᐊᑉ ᓄᓇᖓᑕ ᓯᑦᔭᖓ ᑎᑭᑦᓱᒍ.

ᑌᒃᑯᐊ ᐃᓄᐃᑦ ᓄᓇᓯᒪᓚᐅᕐᑐᕕᓃᑦ ᓯᕿᓂᕐᓯᒥ ᐃᒪᐅᑉ ᓯᓈᓂᓕᒫᖓᓂ, ᕿᑭᕐᑕᓂᓗ ᐅᑭᐅᕐᑕᑑᑉ ᓯᕿᓂᕐᓯᖓᓂᑦᑐᓂ, ᓄᓇᑦᓯᐊᑉ ᑕᕐᕋᖓᓂᑦ, ᓄᓇᕘᒥ ᓄᓇᕕᒻᒥᓗ ᐃᑭᕋᓴᕐᔪᐊᑉ ᓄᕗᐊ ᑎᑭᑦᓱᒍ ᓛᐸᑐᐊᒧᑦ ᐊᓪᓛᑦ ᑎᑭᑦᓱᑎᒃ.

ᑐᓂᖅᑳᕕᓂᐊᓗᐃᑦ ᐊᖑᓇᓱᓗᐊᙳᐊᐸᑦᑐᕕᓃᑦ ᑐᒃᑐᓂᒃ, ᐳᐃᔨᓂᒃ ᐁᕕᕐᓂᓗ. ᐅᔭᕋᕐᓂᒃ ᓴᓇᕐᕈᑎᖃᕐᐸᓱᑎᒃ, ᒥᑭᔪᕐᓚᐅᑎᐊᐱᓐᓂᒃ ᐱᐅᓯᑐᖃᕐᒥᓂᒃ ᐊᑐᕐᓱᑎᒃ, ᑭᓘᕐᑑᑐᓂᒃ (ᑭᓕᐅᕐᑑᑐᓂᒃ), ᒥᑭᔪᒻᒪᕆᐅᑦᓱᑎᒃ ᑮᓇᓕᓐᓂᒃ, ᓄᕝᕗᕆᑦᑐᒪᕆᐅᑦᓱᑎᓗ, ᓴᕕᖃᕐᓱᑎᒃ ᐊᒻᒪᓗ ᑑᖃᕐᓱᑎᒃ. ᐅᔭᕋᕐᓂᒃ ᐱᐅᒃᑯᑎᖃᕋᓗᐊᕐᒥᓱᑎᒃ, ᑐᓂᖅᑳᕕᓃᑦ ᓴᐅᓂᕐᓂᒃ ᕿᔪᓐᓂᓗ ᐊᒻᒪᓗ ᓇᑦᔪᓂᒃ ᐊᑐᕐᐸᓂᕐᒥᔪᑦ, ᐱᑎᑦᓯᓕᐊᕆᑦᓱᒋᑦ, ᖃᕐᔪᓕᐊᕆᑦᓱᒋᓪᓗ, ᑑᒃᑲᓕᐊᕆᑦᓱᒋᑦ ᐊᒻᒪᓗ ᑲᐴᑎᓕᐊᕆᑦᓱᒋᑦ.

ᑐᓂᖅᑳᕕᓂᐊᓗᐃᑦ ᓴᓇᒪᓂᖏᑦ ᒪᕐᕈᐃᓂᒃ ᐊᓂᕐᕋᖃᕐᐸᑐᕕᓃᑦ. ᐃᓚᖓᓂ ᐊᒻᒪᓗᑭᑕᐅᓕᖓᔪᓂᒃ ᑐᒥᐅᔭᐅᑦᓱᑎᒃ ᐅᕝᕙᓘᓐᓃᑦ ᐊᒻᒪᓗᑭᑖᓂᒃ ᑐᐱᖃᕐᐸᕐᓲᕕᓃᑦ ᑐᒃᑐᔭᕐᓂᒃ ᐅᕝᕙᓘᓐᓃᑦ ᑕᕆᐅᕐᒥᐅᑌᑦ ᐊᒥᖏᓐᓂᒃ, ᓴᓂᕐᕓᓯᒪᕕᓕᐅᕐᓯᒪᑦᓱᑎᒃ ᐃᓗᕐᓴᓂᒃ ᐊᓂᕐᕋᒥᑕ ᓴᓂᐊᓂ, ᐊᓯᖏᑦ ᐅᔭᕋᕐᓂᒃ ᐊᕙᓗᓕᐅᕐᓯᒪᕙᑦᑐᕕᓃᑦ ᐊᑦᑐᐊᖃᑦᑕᐅᑎᔪᓂᒃ ᐅᔭᕋᓪᓚᐅᓂᕐᓴᓂ ᓄᓇᒥ. ᐃᓗᖏᑦ ᑖᒃᑯᐊ ᑕᒪᕐᒥᒃ ᐃᓪᓗᔪᐊᑦᓴᔭᑐᐃᓐᓇᐅᔮᕐᑐᕕᓃᑦ, ᐅᑭᐅᒍᓕᕐᒪᑦ ᐊᑐᕐᑕᐅᓲᕕᓂᐅᑦᓱᑎᒃ, ᓂᕿᓂᒃ ᕿᒪᑐᓪᓕᕕᖃᓲᒍᑦᓱᑎᒃ, ᐱᓇᓱᕝᕕᓂᓪᓗ ᐊᒻᒪᓗ ᒪᕐᕉᓂᒃ ᓯᓂᕝᕕᖃᕐᓱᑎᒃ ᑐᕐᓲᒧᑦ ᐊᑦᓯᒪᑎᑕᐅᔪᓐᓂᒃ ᕿᑎᖓᓂ ᐅᕐᖂᓯᓴᕐᕕᓕᐅᕐᓯᒪᑦᓱᑎᒃ. ᐊᐅᔭᐅᓕᕐᒪᑦ (ᐅᐱᕐᖔᖑᓕᕐᒪᑦ) ᐊᑦᔨᐅᖏᓐᓂᓴᐅᒪᔪᓂᒃ ᐊᓂᕐᕋᖃᕐᐸᓱᑎᒃ ᑌᒣᑦᑐᓭᓐᓇᒐᓚᐅᒐᓗᐊᕐᓱᑎᒃ ᐃᓗᐊᒍᑦ ᐊᕕᑦᑐᓯᒪᙱᓂᕐᓴᓂᒃ.

ᖃᓄᖅ ᐊᓯᑦᔨᕙᓪᓕᐊᓯᓐᓂᒪᖔᑕ ᑐᓂᖅᑳᕕᓃᑦ ᑐᓃᑦ ᑎᑭᑦᓱᒋᑦ ᖃᐅᔨᔭᐅᓚᐅᕐᓯᒪᕋᑕᙱᑐᑦ ᐅᓪᓗᒥᒧᑦ ᐊᐱᕐᓲᑏᑦ ᐊᒥᓱᒻᒪᕇᑦ ᓄᐃᕙᓪᓕᐊᖔᑐᐃᓐᓇᓯᒪᔪᑦ. 3,000 ᐊᕐᕌᒍᐃᑦ ᓈᓕᕐᑎᓗᒋᑦ, ᑲᓇᑕᐅᑉ ᑭᑖᓂᒥᐅᑦ ᓯᕿᓂᐅᑉ ᓄᐃᕕᐊᓂᐅᓂᕐᓴᖅ ᓄᓇᕕᒻᒥᐅᓗ ᐃᓄᒋᐊᑦᑑᓂᖏᑦ ᐊᓯᑦᔨᑕᒻᒪᕆᑦᑐᑦ. ᐊᓯᑦᔨᑕᕐᓂᖏᑦ ᑌᒣᓕᖓᑦᓭᓇᑯᑖᕐᖃᔭᕐᓂᖏᑦᑐᑦ ᐆᒪᔪᐃᑦ ᐱᕕᑦᓴᑖᕐᕕᒋᕙᑦᑕᖏᑦ ᐊᓯᑦᔨᑲᑦᑕᓗᐊᕐᓂᖏᓐᓄᑦ, ᐃᓄᒋᐊᑦᑑᓂᖏᑦ ᑕᒫᓂ ᓄᓇᖃᕐᑐᑦ ᐊᓯᑦᔨᐸᓪᓕᐊᓂᐅᔪᓄᑦ ᐃᓅᒐᓱᐊᕈᓯᕐᓄᑦ ᓄᑖᓄᑦ ᐊᐅᓚᑕᐅᑦᓱᑎᒃ. ᖃᓄᖅ ᑐᓃᑦ ᑐᓂᖅᑳᕕᓂᕐᓂᒃ ᐃᓇᖐᓚᐅᕐᓂᒪᖔᑕ ᐃᒣᑦᑑᖁᓚᐅᕐᓂᒪᑕ ᓚᒍᑎᓐᓂᒃ ᒪᕐᕉᐃᓂᒃ ᒪᓂᔭᐅᔪᖃᕐᓯᒪᔪᖅ. ᓯᕗᓪᓕᖅ ᐃᒣᕐᖂᓚᐅᕐᓂᒪᑕ ᓚᒍᑎᒃ, ᑲᔪᓯᑐᐃᓐᓇᓯᒪᔫᔮᕐᑐᑦ ᑐᓂᖅᑳᕕᓃᑦ ᐱᐅᓯᑐᖃᖏᑦ ᑐᓂᕐᓄᑦ, ᐁᑉᐹᒍᓪᓗ, ᑐᓂᖅᑳᕕᓃᑦ ᓄᖑᑐᐃᓐᓇᓚᐅᕐᑐᕕᓂᐅᕐᖂᓱᑎᒃ, ᐊᓯᖏᑦ ᑕᒫᓂᒥᐅᒍᓯᓚᐅᕐᑎᓇᒋᑦ ᐃᑭᕋᓴᕐᔪᐊᑉ ᓄᕗᐊᓂ ᐊᕐᕌᒍᐃᑦ 2,900 ᒥᑦᓵᓂᑦᑐᑦ ᐊᓂᒍᓕᕐᑐᑦ. ᓄᓇᕕᒻᒥ ᑕᒪᒃᑯᓂᖓ ᖃᐅᔨᒪᓇᕐᐸᖏᑦᑐᓂᒃ ᐃᓚᖏᓐᓂᒃ ᖃᐅᔨᒍᑎᐅᒍᓐᓇᑐᑦ ᑐᓂᕐᑕᓂᐊᕐᑎᓄᑦ ᖃᐅᔨᓴᕐᑕᐅᖃᑦᑕᓯᒪᔪᐃᑦ.

← ᖃᐅᔨᑎᑦᓯᒍᑏᑦ
→ ᑐᓃᑦ (2,500-ᓂᑦ 600-ᓄᑦ ᐊᕐᕌᒍᐃᑦ ᓈᓕᕐᑐᑦ ᐅᓪᓗᒥᒧᑦ)
Back to Top