Skip to Main Contents

ᓄᓇᙳᐊᑦ | ᐃᓕᑕᕆᔭᐅᓂᕐᑖᑐᑦ | ᖃᐅᔨᒋᐊᕐᕕᒋᑎᒍᑦ | Français | English

Historical map showing the territory of Hudson Bay, present-day Nunavik, and Labrador to the east.

ᐃᓄᑦᑕᖏᑦ

1612-ᖑᑎᓪᓗᒍ ᐅᒥᐊᕐᑐᑐᑦ ᓄᓇᖕᖑᐊᖓᑦ ᓴᓇᔭᐅᔪᕕᓂᖅ ᑕᑯᑦᓴᐅᑎᑦᓯᒍᑎᐅᑦᓱᓂ ᑕᓯᐅᔭᕐᔪᐊᒥᒃ, ᓄᓇᕕᖕᒥᒃ ᐊᒻᒪᓗ ᓛᐸᑐᐊᒥᒃ. Bibliothèque et Archives nationales du Québec (BAnQ)

ᐃᓄᑐᐃᓐᓇᖄᕕᓃᑦ
(ᐊᕐᕌᒍᐃᑦ 750 ᓈᓯᒪᓕᕐᑐᑦ ᑕᕆᐅᑦᔪᐊᑉ ᐊᑭᐊᓂᒥᐅᔭᓄᑦ ᑎᑭᑕᐅᓚᐅᕐᑐᕕᓂᐅᕐᑎᓪᓗᒋᑦ)

ᐃᓄᑐᐃᓐᓀᑦ ᑕᒪᐅᙵᐅᖃᓯᓚᐅᕐᑐᕕᓂᐅᑎᓪᓗᒋᑦ ᐊᕐᕌᒍᐃᑦ 1,000 ᓈᓕᕐᑐᑦ, ᐊᓛᔅᑲᒥᑦ ᐱᑦᓱᑎᒃ ᑲᓇᑕᐅᑉ ᑭᑖᓄᓕᒫᖅ ᓯᕿᓂᐅᑉ ᓄᐃᕕᐊᓂᐅᓂᕐᓴᖅ ᓄᓇᕕᒃ ᑎᑭᕋᑕᕐᓱᒍ ᓯᐊᒻᒪᓚᐅᕐᑐᕕᓃᑦ ᐃᒻᒪᖄ ᐊᕐᕌᒍᐃᑦ 750 ᓈᓕᕐᑐᑦ. ᓯᓚ ᐅᕐᖁᓯᕙᓪᓕᐊᒍᓇᐅᓐᓂᒪᑦ ᑌᑦᓱᒪᓂ ᐃᓱᒪᒋᔭᐅᓯᒪᔪᖅ ᐃᒪᕐᐱᒥ ᓯᑯ ᐊᐅᑉᐸᓕᐊᔪᕕᓂᐅᓂᐊᙴᕆᔭᐅᑦᓱᓂ, ᓱᕐᕂᒪᕆᑦᑐᕕᓂᐅᒍᓇᐅᔪᖅ ᐃᓄᑐᐃᓐᓀᑦ ᐊᖑᓇᓱᒍᓯᕐᓂᒃ ᐊᑐᓚᐅᕐᓯᒪᙱᑕᒥᓂᒃ ᐊᑐᕐᐸᓕᐊᓯᑎᓪᓗᒋᑦ ᐃᒪᑐᐃᓐᓇᒥ.

Flat stone blade of roughly rectangular shape, with dark color and reddish spots.

(ᖃᓪᓗᓈᕐᑎᑑᕐᑐᐃᓐᓇᑐᑦ) Thule blade, 1000-1700
McCord Museum Collection, M5832

ᐊᑦᔨᐅᖏᓐᓂᓴᓂᒃ ᐃᒣᕐᖂᓂᕐᒪᑕ ᓚᒍᑎᓂᒃ ᒪᓂᔭᐅᔪᖃᕐᓯᒪᒻᒥᔪᖅ ᑐᓂᕐᑕᓂᐊᕐᑎᓄᑦ ᖃᓄᖅ ᑐᓃᑦ ᐱᐅᓯᖏᓐᓂᑦ ᐊᓯᑦᔨᐸᓪᓕᐊᓂᕐᒪᖔᑕ ᐃᓄᑐᐃᓐᓇᖄᕕᓃᑦ ᐱᐅᓯᖏᓐᓄᑦ. ᑐᕐᓂᑕᓂᐊᕐᑏᑦ ᖃᐅᔨᓯᒪᔭᖏᑦ ᑕᒪᑐᒥᖓ ᐃᒣᕐᖂᓂᕐᒪᑕ ᓚᒍᑕᐅᔪᒥᒃ ᓱᕐᖁᐃᓇᕐᑎᓯᔫᔮᕐᑐᑦ, ᐃᓄᑐᐃᓐᓇᖄᕕᓃᑦ, ᑕᕆᐅᕐᒥᐅᑕᓂᒃ ᐊᖑᓇᓱᒍᓐᓇᓂᕐᓴᐅᓯᒪᒻᒪᑕ, ᑐᓂᕕᓂᕐᓂᒃ ᐊᐅᓪᓚᑎᑦᓯᓯᒪᔪᑦ ᑲᓇᑕᐅᑉ ᑭᑖᓂᓕᒫᖅ ᓯᕿᓂᐅᑉ ᓄᐃᕕᐊᓂᐅᓂᕐᓴᖅ. ᑐᓃᑦ ᐃᓚᖏᑦ ᐊᓯᐅᖏᓐᓇᓯᒪᕐᖂᑐᐊᓪᓛᑦ, ᐊᓯᖏᑦ ᐃᓄᑐᐃᓐᓇᖄᕕᓃᑦ ᐱᐅᓯᖏᓐᓂᒃ ᐱᐅᓯᕐᑖᓯᐊᑐᐃᓐᓇᑎᓪᓗᒋᑦ "ᑐᓂᐅᓂᕐᒥᓂᒃ" ᐊᓯᐅᔨᑦᓯᐊᑐᐃᓐᓇᓱᑎᒃ. ᐊᓯᐊᖓᑎᒍᑦ ᐃᒣᕐᖂᓂᕐᒪᑕ ᓚᓯᒪᔪᖃᕐᒥᔪᖅ, ᑐᓃᑦ ᓴᓪᓕᒥᐅᑦ ᕿᑭᕐᑕᖓᓂᒥᐅᒍᓯᒪᓂᐊᙴᕆᔭᐅᑦᓱᑎᒃ ᑕᓯᐅᔭᕐᔪᐊᑉ ᐹᖓᓂ ᐊᕐᕌᒍᐃᑦ 1900-ᐃᑦ ᑎᑭᕋᑕᕐᓱᒋᑦ.

ᐃᓄᑐᐃᓐᓇᖄᕕᓃᑦ ᕿᓚᓗᒐᕐᓂᐊᓯᑎᕕᓂᐊᓗᐃᑦ ᐊᒻᒪᓗ ᐃᒪᑐᐃᓐᓇᑯᑦ ᐃᖏᕐᕋᒍᓐᓇᐸᑦᑐᕕᓂᐅᑦᓱᑎᒃ ᐅᒥᐊᑎᒍᑦ, 9 ᒦᑕᓂᒃ ᑕᑭᓂᖃᕐᓱᑎᒃ ᓴᓂᒧᑦ 2 ᒦᑕᓂᒃ ᐊᖏᓂᖃᕐᓱᑎᒃ ᐅᒥᐊᖏᑦ. ᐅᒥᐊᑦ, ᐊᒥᖃᕐᑎᓗᒋᑦ ᐳᐃᔨᕕᓂᕐᓂᒃ ᐅᕝᕙᓘᓐᓃᑦ ᐁᕕᕕᓂᕐᓂᒃ, ᐅᕿᑦᑑᓱᑎᒃ ᐃᓄᓐᓂᒃ ᐊᕙᑎᓂᒃ ᐅᓯᒍᓐᓇᐸᑦᑐᕕᓂᖅ ᐅᒥᐊᖅ ᐊᑕᐅᓯᖅ ᐊᒻᒪᓗ ᐱᐅᓕᓂᐊᒐᕐᓂᒃ ᐊᒥᓱᐊᓗᓐᓂᒃ ᐅᓯᒍᓐᓇᓱᓂ.

ᐃᓄᑐᐃᓐᓇᖄᕕᓃᑦ ᓴᓇᕐᕈᑎᒋᕙᑦᑕᕕᓂᖏᑦ ᐅᔭᕂᑦ ᓯᖃᓪᓕᓯᒪᑦᓱᑎᒃ ᐅᓕᒻᒫᓯᒪᙱᑐᐃᑦ ᖃᐅᔨᒪᓇᕐᑎᓯᕗᑦ ᐃᓄᑐᐃᓐᓇᖄᕕᓃᑦ ᓄᑖᓂᒃ ᐃᓱᕐᕆᐅᑎᑖᕐᐸᓕᐊᖃᑦᑕᓂᕕᓂᖏᓐᓂᒃ. ᑕᒪᐅᙵᖃᒻᒦᓕ ᐊᑐᕐᐸᓕᐊᖃᑦᑕᓯᓐᓂᒥᕗᑦ ᐆᒪᔪᐃᑦ ᓴᐅᓂᕕᓂᖏᓐᓂᒃ ᑐᒑᕕᓂᕐᓂᓗ. ᐊᕿᓐᓂᓴᐅᑦᓱᑎᓪᓕ ᐅᔭᕂᑦ, ᓯᖁᒥᑐᐊᕋᒥᒃ ᓵᑦᑐᔮᕈᓲᑦ ᐱᓗᐊᕐᑐᖅ ᐊᑐᕐᑕᐅᕙᑦᑐᕕᓃᑦ, ᐅᓗᓕᐊᕆᑦᓱᒋᑦ ᐊᒻᒪᓗ ᐃᐱᑦᑐᓂᒃ ᓄᕝᕗᕆᑦᑑᓱᑎᒃ ᑮᓇᖃᕐᑎᓗᒋᑦ. ᐃᓄᑐᐃᓐᓇᖄᕕᓃᑦ ᓄᓇᒥ ᐆᒪᔪᕐᓂᐊᐸᑦᑐᕕᓃᑦ ᐱᑎᑦᓯᓂᒃ ᖃᕐᔪᓕᓐᓂᒃ ᐊᑐᕐᓱᑎᒃ: ᑕᕆᐅᒥ, ᐆᒪᔪᕐᓂᐊᓲᒍᑦᓱᑎᒃ ᕿᓚᓗᒐᕐᓂ,ᒃ ᐅᓈᓂᒃ ᑲᐴᑎᓕᓐᓂᓗ ᐊᑐᕐᓱᑎᒃ. ᐱᑖᕐᕕᒋᕙᑦᓱᒋᑦ ᐊᒻᒪᓗ ᐅᕐᓱᑖᕐᕕᒋᕙᑦᓱᒋᑦ ᐃᑯᒪᒍᑎᑦᓴᒥᓂᒃ ᖁᓪᓕᓄᑦ, ᖁᓪᓖᑦ ᐊᑦᔨᒌᙱᑐᓂᒃ ᓴᓇᒻᒪᖃᕐᐸᓂᕐᒥᔪᑦ ᖁᓪᓕᓴᔭᕐᓂᒃ ᑭᓯᐊᓂ ᖁᓪᓕᓕᐅᕐᐸᒥᑦᓱᑎᒃ. ᓄᑖᓂᒃ ᐃᓱᕐᕆᐅᑎᑖᕐᐸᓕᐊᕙᑦᑐᕕᓃᑦ ᐃᓄᑐᐃᓐᓇᖄᕕᓃᑦ ᓄᐃᓚᐅᕐᑕᕕᓂᖏᓐᓂᒃ ᐃᓕᕿᓪᓘᑏᑦ ᐃᓚᒋᔭᐅᒻᒥᑎᓪᓗᒋᑦ ᓄᐃᓯᒪᔭᖏᓐᓄᑦ (ᐃᓕᕐᓘᑦ ᑫᕕᑦᑎᓯᒍᑎᖃᕐᑎᓗᒍ ᐱᑎᑦᓯᐊᐱᐅᔮᕐᑐᒥᒃ, ᑖᓐᓇ ᐱᑎᑦᓯᐊᐱᐅᔮᕐᑐᖅ ᑫᕕᑦᑎᖏᓐᓇᓕᒫᕐᑎᓱᒍ), ᖃᒧᑎᓂᓗ, ᐅᒥᐊᓂᓪᓗ ᐊᒻᒪᓗ ᖃᔭᕐᓂᒃ ᐃᖏᕐᕋᐅᑎᖃᓲᒍᑦᓱᑎᒃ ᐃᒫᒍᑦ ᐊᒻᒪᓗ ᑕᕆᐅᕐᒥᐅᑕᓂᓗ ᐆᒪᔪᕐᓯᐅᕈᑎᒋᕙᑦᓱᒋᑦ, ᐅᓈᓄᓪᓗ ᑲᐴᑎᓕᓐᓄᓗ ᐊᓕᑎᔫᖑᒍᑎᓂᒃ ᐊᒻᒪᓗ ᐃᒡᒐᓂᒃ ᐃᓪᓗᕆᒃᑯᑎᓂᒃ ᓯᕿᓂᒃ ᐊᐳᑎᒧᑦ ᐊᑭᓐᓂᔮᓕᕐᒪᑦ.

ᑐᓂᕕᓂᕐᑎᑐᑦ, ᐃᓄᑐᐃᓐᓇᖄᕕᓃᑦ ᑐᐱᕐᓂᒃ ᐊᑐᕐᐸᓂᕐᒥᔪᑦ ᐊᐅᔭᐅᓂᖓᓂ (ᐅᐱᕐᖔᖑᓂᖓᓂ) ᐊᓂᕐᕋᕆᑦᓱᒋᑦ. ᐅᑭᐅᒍᓕᕐᒪᑦ, ᐃᒡᓗᓕᕐᐸᓱᑎᒃ ᐊᔭᐱᕆᐊᕐᕕᒋᓚᖓᔭᒥᓂᒃ ᐊᐅᓚᓕᕋᒥᒃ ᑕᕆᐅᒥ ᓯᑯᒥ. ᓄᑖᓂᒃ ᓴᓇᕙᓕᕐᓂᒥᔪᑦ ᐃᑦᓯᒥᑕᕆᑦᓱᑎᒃ ᐃᒡᓗᓂᒃ ᐅᔭᕋᔮᓂ ᓴᓇᒪᑦᓯᐊᑐᐊᓗᕋᑕᕐᓂᒃ ᑐᕐᓲᑯᑖᖃᕐᓱᑎᒃ ᕿᑎᖓᓄᐊᕐᑐᒥᒃ, ᓂᓪᓕᒪᔪᖅ (ᓂᓪᓕᓇᕐᑐᖅ) ᐃᒡᓘᑉ ᐃᓗᐊᓄᓪᓚᕆᒃ ᐅᖑᒪᔭᐅᑎᒐᓱᐊᒧᑦ. ᑌᒣᑦᑐᐃᑦ ᐊᓂᕐᕋᖏᑦ ᐊᑕᐅᓯᕐᒥᒃ ᒪᕐᕉᓂᓘᓐᓃᑦ ᐃᑯᒪᑎᑦᓯᕕᖃᕐᐸᑐᕕᓃᑦ ᐅᕐᖂᓯᓴᐅᑎᒥᓂᒃ ᐊᒻᒪᓗ ᓯᓂᕝᕕᓕᐅᕐᓯᒪᑦᓱᑎᒃ ᓱᓇᓗᑳᖃᐅᑎᒥᑕ ᖁᓛᓂ. ᐃᒡᓘᑉ ᖁᓕᕐᓯᖓ ᑕᑉᐹᓂᑦᑎᑕᐅᕙᑦᑐᕕᓂᖅ ᕿᓚᓗᒐᕕᓃᑦ ᓴᐅᓂᖏᓐᓄᑦ ᐅᕝᕙᓘᓐᓃᑦ ᑎᑦᔭᓗᑯᓄᑦ ᕿᔪᓐᓄᑦ ᐊᒻᒪᓗ ᐊᒥᕕᓂᕐᓂᒃ ᐊᒥᐊᕐᓯᒪᑎᓪᓗᒋᑦ ᐅᕝᕙᓘᓐᓃᑦ ᐅᓕᕐᓯᒪᑎᓪᓗᒋᑦ.

← ᑐᓃᑦ (2,500-ᓂᑦ 600-ᓄᑦ ᐊᕐᕌᒍᐃᑦ ᓈᓕᕐᑐᑦ ᐅᓪᓗᒥᒧᑦ)
→ ᐃᓄᐃᑦ ᖃᓄᐃᑦᑐᑰᕐᓯᒪᓂᖏᑦ
Back to Top