Skip to Main Contents

ᓄᓇᙳᐊᑦ | ᐃᓕᑕᕆᔭᐅᓂᕐᑖᑐᑦ | ᖃᐅᔨᒋᐊᕐᕕᒋᑎᒍᑦ | Français | English

Detail of fur-covered caribou antlers lying on the tundra grass.

ᐃᓄᑦᑕᖏᑦ

ᑐᒃᑐ

ᑐᓃᑦ
(2,500-ᓂᑦ 600-ᓄᑦ ᐊᕐᕌᒍᐃᑦ ᓈᓕᕐᑐᑦ ᐅᓪᓗᒥᒧᑦ)

ᑐᓂᕐᑕᓂᐊᕐᓂᐅᖄᓚᐅᕐᑐᕕᓂᕐᓄᑦ ᓱᕐᖁᐃᑕᐅᓯᒪᔪᑦ ᑐᓃᑦ ᐱᐅᓯᑐᖃᖏᑦ ᖃᐅᔨᔭᐅᒋᐊᙵᓯᔪᕕᓂᐅᒻᒪᑕ ᑭᙵᓂ, ᕿᑭᕐᑕᔪᐊᒥ, ᓇᓗᓀᕐᑕᐅᕙᓪᓕᐊᓯᔪᕕᓃᑦ "ᑐᓃᑦ" ᑐᓂᕐᑕᓂᐊᕐᑎᓄᑦ. ᑐᓃᑦ, ᑐᓂᐅᓂᕋᕐᑕᐅᓯᒪᕗᑦ ᐃᓄᐃᑦ ᐅᓂᒃᑳᑐᐊᖏᑦᑎᒍᑦ, ᐳᐃᔨᓐᓂᐊᓂᕐᓂᒃ ᐁᕕᕐᓂᐊᓂᕐᓂᓗ ᐱᒍᓐᓇᓯᓯᒪᔪᑦ. ᑖᒃᑯᓇᙵᑦ ᐆᒪᔪᓂᒃ ᐅᕐᓱᑖᕐᕕᖃᕐᐸᓱᑎᒃ ᐊᒻᒪᓗ ᐅᕐᓱᖏᓐᓂᒃ ᐃᑯᒪᑎᑦᓯᒍᑎᖃᓲᒍᑦᓱᑎᒃ ᖁᓪᓕᓄᑦ.

Photograph of both sides of a small ivory mask, where holes represent the eyes and mouth.

ᒥᑭᔪᐊᐱᒃ ᑮᓇᖕᖑᐊᖅ (ᓵᖓᓗ, ᑐᓄᐊᓗ)
Canadian Museum of History collection

ᓯᕗᓪᓕᐹᑦᓯᐊᒥ ᑐᓃᑦ ᑕᒫᓂ ᓄᓇᖃᓚᐅᕐᑐᕕᓂᐅᓂᖏᑦ ᓄᐃᒋᐊᙵᓚᐅᕐᑐᕕᓂᐅᑎᓪᓗᒋᑦ ᓯᓚᐅᑉ ᐱᐅᓯᖓ ᓂᓪᓚᓱᑉᐸᓕᐊᓕᕐᑎᓗᒍ ᐊᕐᕌᒍᐃᑦ 3,000 ᒥᑦᓵᓂᑦᑐᑦ ᐊᓂᒍᓕᕐᑐᑦ. ᑐᓃᑦ, ᑐᓂᐅᓂᕋᕐᑕᐅᕗᑦ ᐅᓪᓗᒥ ᐃᓄᑐᐃᓐᓇᓄᑦ × ᓂᓪᓕᓇᕐᓂᓵᓗᒻᒥᒍᓐᓇᐸᑦᑐᕕᓃᑦ ᑐᓃᑦ ᑲᓇᑕᐅᑉ ᑭᑖᓂ ᓯᕿᓂᐅᑉ ᓄᐃᕕᐊᓂᐅᓂᕐᓴᖅ ᓄᓇᖃᓕᕐᓂᒥᔪᑦ, ᑯᐯᒃ ᑕᕐᕋᖓᓄᑦ ᑎᑭᕋᑕᕐᓱᑎᒃ ᐊᒻᒪᓗ ᓂᐅᕙᐅᓐᓛᓐ ᑎᑭᑦᓱᒍᐊᓪᓛᑦ. ᑐᓃᑦ ᓄᓇᕕᒻᒥᐅᒍᓯᒋᐊᙵᑐᕕᓂᐅᑎᓪᓗᒋᑦ ᐊᕐᕌᒍᐃᑦ 2,500 ᓈᓕᕐᑐᑦ.

ᑐᓃᑦ ᐆᒪᔪᕐᓂᐊᐸᑦᑐᕕᓃᑦ ᑕᕆᐅᕐᒥᐅᑕᓂᒃ ᖃᓄᐃᑦᑐᑐᐃᓐᓇᓂᒃ (ᐳᐃᔨᓂᒃ, ᐁᕕᕐᓂᒃ ᕿᓚᓗᒐᕐᓂᓗ), ᓄᓇᒥᐅᑕᓂᓗ ᐆᒪᔪᕐᓂᐊᐸᑦᑐᕕᓂᐅᒻᒥᓱᑎᒃ (ᑐᒃᑐᓂᒃ, ᒥᑭᔪᙳᐊᒍᑦᓱᑎᓪᓗ ᐆᒪᔪᓂᒃ, ᑎᒻᒥᐊᓂᓪᓗ ᐊᐅᔭᐅᓕᕐᒪᑦ ᑎᑭᑦᑕᓲᓂᒃ ᐅᑭᐊᒍᓕᕐᒪᑦ ᐊᐅᓪᓚᓲᒍᑦᓱᑎᒃ ᐊᒻᒪᓗ ᐃᖃᓗᓐᓂᐊᓲᕕᓂᐅᑦᓱᑎᒃ ᑰᓐᓂ). ᓯᕗᓪᓕᕕᓂᕐᒥᑎᑐᑦ, ᑐᓃᑦ ᓴᓇᕐᕈᑎᓂᒃ ᐊᑐᕐᐸᓂᕐᒥᔪᑦ ᖃᓄᐃᑦᑐᑐᐃᓐᓇᓂᒃ ᓴᓇᓯᒪᔭᒥᓂᒃ. ᐅᔭᕋᕐᓂᒃ ᓴᓇᕐᕈᑎᖃᕐᐸᑐᕕᓃᑦ ᒥᑭᔪᕐᓚᐅᑎᐅᓂᕐᓴᐅᓱᑎᒃ ᓄᕗᖃᕐᓱᑎᒃ ᑮᓇᓕᓐᓂᒃ, ᑑᕐᓂᒃ, ᑭᓕᐅᑕᕐᓂᒃ, ᑭᓘᕐᑑᑎᓂᒃ, ᐅᓕᒪᐅᑎᓂᒃ ᐊᒻᒪᓗ ᒥᑭᔪᒻᒪᕆᐊᓘᑦᓱᑎᒃ ᓄᕝᕗᕆᑦᑐᒪᕆᐊᓗᓐᓂᒃ (ᐅᔭᕋᐅᑦᓱᑎᒃ ᐃᑦᓴᓂᑕᕐᓂᒃ, ᑕᑭᓂᖏᑦ ᐊᖏᓂᕐᓴᐅᓱᑎᒃ ᓴᓂᕋᖏᓐᓂᑦ, ᐃᓪᓗᑐᑦ ᑮᓇᖃᕐᓱᑎᒃ).

ᑐᓃᑦ ᓴᓇᓯᑎᐊᓗᕕᓃᑦ ᐆᒪᔪᕕᓃᑦ ᓴᐅᓂᑐᐃᓐᓇᖏᓐᓂᒃ ᐊᑐᕐᓱᑎᒃ, ᓇᑦᔪᓂᒃ, ᑑᒑᕕᓂᕐᓂᒃ ᐊᒻᒪᓗ ᕿᔪᓐᓂᒃ ᐊᑐᕐᓱᑎᒃ. ᑑᒃᑲᓕᐊᕆᑦᓱᒋᑦ ᐊᒻᒪᓗ ᓇᐅᓚᓕᐊᕆᑦᓱᒋᑦ, ᐸᓇᓂᓪᓗ ᐊᐳᑎᒥᒃ ᐃᒡᓗᓕᐅᕈᑎᓂᒃ, ᖃᒧᑎᓄᑦ ᐱᕐᕌᓕᐊᕆᑦᓱᒋᑦ, ᓯᑯᒥ ᓯᐊᕐᕆᒋᒃᑯᑎᓕᐊᕆᑦᓱᒋᑦ ᐊᒻᒪᓗ ᓴᐅᓃᑦ ᒥᕐᖁᑎᓕᐊᕆᑦᓱᒋᑦ.

ᖁᓪᓕᓴᔭᐅᑦᓱᑎᒃ ᖁᓪᓖᑦ ᖃᒧᑎᓪᓗ ᓄᐃᑕᐅᒋᐊᙵᓚᐅᕐᑐᕕᓃᑦ ᑐᓂᙯᓐᓈᑎᓪᓗᒍ. ᖃᓄᐃᑦᑐᑐᐃᓐᓇᓂᒃ ᓴᓇᙳᐊᓯᒪᔪᓚᑳᓂᒃ ᑐᓃᑦ ᓄᐃᑦᓯᕙᓪᓕᐊᓯᓐᓂᒥᔪᑦ ᐊᒻᒪᓗ ᑐᓃᑦ ᓇᔪᕐᐸᑕᕕᓂᖏᑦ ᑕᑯᕕᐅᖃᑦᑕᓯᒪᒻᒥᓱᑎᒃ ᒥᑭᔪᕐᓚᐅᕐᓱᑎᒃ ᓴᓇᙳᐊᓯᒪᔪᓂᒃ ᐆᒪᔪᙳᐊᓂᒃ, ᐃᓄᙳᐊᓂᓪᓗ ᐊᒻᒪᓗ ᐆᒪᔪᓪᓚᒥᓗᙳᐊᓂᒃ. ᐅᔭᕂᑦ ᑮᓇᙳᐊᓂᒃ ᐊᓪᓚᖑᐊᕐᕕᐅᓯᒪᔪᑦ ᑐᓂᕐᓄᑦ ᐃᓕᖓᓯᒪᒻᒥᔪᑦ.

ᑕᕝᕙᓂᑦᓭᓇᖅ ᓄᓇᓯᒪᓲᑦᓴᔭᐅᙱᑲᓗᐊᕐᓱᑎᒃ, ᑐᓃᑦ ᑕᕝᕙᓂᑦᓭᓈᓲᖑᓂᕐᓴᕕᓃᑦ ᓯᕗᓪᓕᕕᓂᕐᒥᓂᑦ. ᕿᒣᓐᓇᑯᖏᑦ ᓇᔪᒐᕕᓂᖏᓐᓂ × ᓴᓇᓯᒪᔭᕕᓂᖏᑦᑕ ᐊᒥᐊᒃᑯᕕᓂᖏᑦ ᑐᑭᓯᓇᕐᑎᓯᔪᑦ, ᐊᒥᓲᓂᕐᓭᑦ ᐱᐅᒃᑯᑎᕕᓂᖏᑦ ᑐᓂᕐᑕᓂᐊᕐᑎᓄᑦ ᑕᑯᔭᐅᖃᑦᑕᓯᒪᒻᒪᑕ ᓇᔪᕐᐸᑕᕕᓂᖏᓪᓗ ᑖᕙᓂᑦᓭᓈᕐᓂᓴᐅᑦᓱᑎᒃ. ᐊᐅᔭᐅᓕᕐᒪᑦ (ᐅᐱᕐᖔᖑᓕᕐᒪᑦ) ᑐᐱᕐᓂᒃ ᐊᑐᕐᐸᓂᕐᒥᔪᑦ, ᐃᑦᓯᒥᑕᕇᓂᓪᓗ ᐃᒡᓗᓕᐅᕐᐸᑐᕕᓂᐅᑦᓱᑎᒃ ᐅᔭᕋᓪᓚᓂ ᐃᒣᑦ ᓯᓈᓂ. ᐸᓇᖃᕐᐸᑐᕕᓂᐅᒐᒥᒃ ᑐᓃᑦ ᐅᑭᐅᒍᓕᕐᐸᑦ ᐊᐳᑎᒥᒃ ᐃᒡᓗᓕᐅᓲᕕᓂᐅᕙᓗᑦᑐᑦ. ᐃᒡᓗᑯᑖᕌᓗᐃᑦ ᓄᐃᒋᐊᙵᑐᕕᓂᐅᕙᓗᒻᒥᔪᑦ ᑐᓂᖃᕈᓐᓀᒋᐊᕕᑦᑎᓗᒍ. ᑐᕐᓲᑯᑖᒍᔭᕐᓱᑎᒃ ᐃᒡᓗᐃᑦ, ᐊᖏᓂᖃᕐᐸᑐᕕᓃᑦ 15-ᓂᑦ 35 ᒦᑕᓄᑦ ᑕᑭᓂᖃᕈᓐᓇᓱᑎᒃ ᓴᓂᒧᑦ 4-ᓂᑦ 6 ᒦᑕᓄᑦ ᑕᑭᓂᖃᕈᓐᓇᓱᑎᒃ, ᓇᔪᕐᑕᐅᒍᓐᓇᓱᑎᒃ ᐃᓚᒌᓄᑦ ᓯᑕᒪᐅᔪᕐᑐᓂᑦ ᑕᓪᓕᒪᐅᔪᕐᑐᓄᑦ (ᖁᓕᓄᑦ) ᐊᒥᓲᓂᖃᕐᑐᓄᑦ. ᑐᓃᑦ ᐊᓂᕐᕋᖏᑦ ᐁᑉᐯᖃᕐᐸᓂᕐᒥᔪᑦ ᓴᓇᓯᒪᒻᒥᔪᓂᒃ ᖃᓄᐃᑦᑐᑐᐃᓐᓇᓗᑳᓂᒃ, ᓂᕿᖃᐅᑎᓂᒃ, ᐱᐅᓕᓂᐊᒐᖃᐅᑎᓂᒃ, ᒥᑭᒋᐊᕐᓂᒃ ᒪᙯᓯᐅᑎᓂᓘᓐᓃᑦ ᐊᒻᒪᓗ ᐃᓄᒃᓱᓂᒃ.

← ᑐᓂᖅᑳᕕᓂᐊᓗᐃᑦ (4,000-ᒥᑦ 2,500-ᒧᑦ ᐊᕐᕌᒍᐃᑦ ᓈᓕᕐᑐᑦ ᐅᓪᓗᒥᒧᑦ)
→ ᐃᓄᑐᐃᓐᓇᖄᕕᓃᑦ (ᐊᕐᕌᒍᐃᑦ 750 ᓈᓯᒪᓕᕐᑐᑦ ᑕᕆᐅᑦᔪᐊᑉ ᐊᑭᐊᓂᒥᐅᔭᓄᑦ ᑎᑭᑕᐅᓚᐅᕐᑐᕕᓂᐅᕐᑎᓪᓗᒋᑦ)
Back to Top