Skip to Main Contents

ᓄᓇᙳᐊᑦ | ᐃᓕᑕᕆᔭᐅᓂᕐᑖᑐᑦ | ᖃᐅᔨᒋᐊᕐᕕᒋᑎᒍᑦ | Français | English

Close-up of a bright red fruit, with dark green vegetation in the background. The fruit resembles a raspberry.

ᓄᓇᖓ

ᐊᕐᐲᑦ

ᓯᑭᑑᖃᓕᕐᒪᑦ

Applied felt artwork depicting a scene at the Inuit encampment. There is a woman pictured beside a tent and a fish dryer, as well as two men returning from the walrus hunt. Tents can be seen in the background.

ᓇᓗᓀᕐᓯᒪᙱᑐᖅ (2007) ᒥᐊᔨ ᐃᓓᔭᓯᐊᐱᒃ, ᐃᓄᑦᔪᐊᖅ
ᐊᐅᓪᓛᓯᒪᕕᒻᒦᑐᑦ ᐊᕐᓇᖅ ᓄᔭᒥᓂᒃ ᐃᓪᓓᑐᖅ, ᒪᕐᕉᒃ ᐊᖑᑏᑦ ᐁᕝᕙᓂᐊᕆᐊᕕᓃᒃ ᐅᑎᕐᑑᒃ
ᐃᓚᒌᓴᒃᑯᑦ ᑲᑎᕐᓱᐊᖏᑦ ᐃᓄᐃᑦ ᓴᓇᙳᐊᓯᒪᔭᖏᑦ

ᐱᐅᔪᒻᒪᕆᐊᓘᑦᓱᑎᒃ ᓄᓇᐅᑉ ᐱᕈᑦᑐᖏᑦ ᐆᒪᔪᖏᓪᓗ ᓱᖏᐅᓐᓂᐅᒋᐊᖃᓲᑦ ᐊᕐᓱᖁᓐᓇᑐᐊᓗᒻᒥ. ᓄᓇᕕᒃ ᓄᓇᐅᑦᓱᓂ ᐱᕕᑦᓴᐅᒍᓐᓇᓱᑎᒃ ᓄᓇᕕᒻᒥᐅᓄᑦ ᐱᑕᖃᕐᒥᔪᖅ, ᓇᓪᓕᐊᒍᓂᖏᓐᓂᒃ ᖃᐅᔨᒪᓂᖏᑦ ᓄᓇᕕᒻᒥᐅᑦ ᐊᓐᓇᐅᒪᒍᑎᖃᕈᓐᓇᓲᑦ ᓄᓇᒥᑦ ᖃᐅᔨᒪᓂᑯᒥᓄᑦ. ᑐᒃᑐᐃᑦ, ᓂᕐᓖᑦ, ᕿᓚᓗᒉᑦ, ᓵᒣᑦ ᐃᖃᓗᑉᐲᓗ ᑖᒃᑯᑐᐊᑦ ᓇᓗᓀᕐᑕᐅᔪᑑᒐᓗᐊᑦ ᓂᕿᑦᓯᐊᒍᓂᖏᑦ ᐱᓪᓚᕆᐅᓂᖃᕐᑐᑦ ᐊᒻᒪᓗ ᒪᒪᕆᔭᐅᓂᕐᐸᐅᓱᑎᒃ, ᑭᓯᐊᓂ ᐱᐅᒃᑯᑎᓕᐊᒍᒍᓐᓇᓱᑎᒃ ᐊᓐᓄᕌᓕᐊᒍᒍᓐᓇᒪᑕ ᐅᕝᕙᓘᓐᓃᑦ ᓱᓇᒃᑯᑎᓕᐊᒍᒍᓐᓇᓱᑎᒃ.

Close up of a pile of white and gray fish, speckled with black, laying in a container after salmon fishing.

ᓵᒪ ᑰᖕᒥᐅᑕᖅ

ᐆᒪᔪᐃᑦ ᐊᖑᓇᓱᑦᑕᐅᓲᒍᕗᑦ ᓇᓪᓕᐅᑎᒻᒪᑕ, ᐊᕐᕌᒎᑉ ᐃᓗᐊᓂ ᐊᕐᖁᓵᓕᕐᒪᑕ ᑭᓯᐊᓂ, ᐱᐊᕐᕿᐅᓕᕐᒪᑕ ᐊᒻᒪᓗ ᒥᕐᖁᓯᐊᕆᑦᑑᓕᕐᒪᑕ ᑭᓯᐊᓂ. ᓯᓚᐅᑉ ᖃᓄᐃᓐᓂᖓ ᒪᓕᑦᓱᒍ ᐊᒻᒪᓗ ᓯᓚᐅᑉ ᖃᓄᐃᓐᓂᖓ ᓱᕐᖁᐃᓇᖃᑦᑕᕈᓐᓀᑐᐊᕐᒪᑦ ᖃᓄᐃᓘᕆᐊᖃᕐᒪᖔᕐᒥᒃ ᐋᕐᕿᓱᕐᓯᒪᑦᓯᐊᕈᑕᐅᒋᐊᖃᓲᒍᒻᒥᔪᖅ ᐊᑐᐃᓐᓇᐅᓯᐊᕈᓐᓀᑐᐊᕐᒪᑕ ᐱᕕᑦᓴᑖᕐᕕᐅᔪᐃᑦ.

ᐱᐅᓯᑐᖃᕐᑎᒍᑦ ᓂᕿᑐᐃᓐᓀᑦ, ᐃᓄᐃᑦ ᓄᓇᒥᒃ ᖃᐅᔨᒪᓂᖏᑦᑎᒎᓪᓗᑯᐊᐱᒋᐊᖃᓲᒍᕗᑦ, ᐆᒪᔪᐃᑦ ᓇᔪᕐᑕᖏᑦ ᐊᒻᒪᓗ ᓄᓇᐅᑉ ᖃᓄᐃᓐᓂᖓ ᒪᓕᑦᓱᒍ ᑌᒪᙵᑦ ᓯᓚ ᐊᓯᑦᔨᑕᓲᒍᒻᒪᑦ.

ᓂᕿᑦᓯᐊᑦ ᐃᓪᓕᓇᕐᓂᖏᑦ ᐊᒻᒪᓗ ᐊᑐᐃᓐᓇᕈᕐᑎᑕᐅᓲᒍᓂᖏᑦ

ᐃᓄᐃᑦ ᓂᕿᑐᐃᓐᓇᖏᑦ ᓂᕿᑦᓯᐊᒪᕆᐊᓘᕗᑦ ᐃᓗᓯᖃᑦᓯᐊᓇᕐᑐᒪᕆᐅᕗᓪᓗ. ᓲᕐᓗ ᓂᕆᒐᔭᕈᕕᑦ ᑐᑦᑐᕕᓂᕐᒥᒃ, ᕿᓚᓗᒐᕕᓂᕐᒥᒃ, ᐃᖃᓗᑉᐱᒥᒃ ᓇᑦᓯᒥᓪᓗᓃᑦ ᐱᑕᖃᑦᓯᐊᑐᒥᒃ ᓄᑭᖃᑦᓯᐊᓇᕐᑐᓂᒃ. ᐊᐅᑉ ᑭᑭᐊᑦᓴᔭᕐᑕᖓ ᐱᑕᖃᑦᓯᐊᐳᖅ ᓇᑦᓰᑦ ᑎᖑᖏᓐᓂ (7-ᕕᑦᑐᒥᒃ ᑐᑦᑐᕙᕕᓂᐅᑉ ᐊᐅᖕᒥᐅᑕᖓᓂᑦ ᓲᖑᓂᕐᓴᑕᓕᒃ), ᓂᕐᓕᓃᑦᑐᑦ ᐊᕿᒃᒋᓂᓪᓗ. ᐃᖃᓗᑉᐲᓗ ᓇᑦᓯᕕᓃᓪᓗ ᐱᑕᖃᑦᓯᐊᒥᔪᑦ ᓄᑭᖃᑦᓯᐊᓇᕐᑐᒥᒃ omega-3-ᒥᒃ ᐊᒻᒪᓗ ᐱᕈᕐᑐᕕᓃᑦ ᓰᕐᓇᑐᐃᑦ ᐱᑕᖃᑦᓯᐊᒥᑎᓪᓗᒋᑦ ᓄᒃᑭᓴᐅᑎᒥᒃ vitamin C-ᒥᒃ.

ᐆᒪᔪᐃᑦ ᐃᓚᖏᑦ ᐃᓪᓕᕆᔭᐅᓪᓚᕆᓲᒍᕗᑦ ᐆᒪᔪᕐᓯᐅᑎᓄᑦ ᐃᖃᓗᑦᓯᐅᑎᓄᓗ ᓄᓇᕕᒻᒥᐅᓄᑦ ᑎᒥᒧᑦ ᐱᐅᔫᒻᒪᑕ ᐊᒻᒪᓗ ᐊᑦᔨᒋᑦᔭᖏᑦᑐᑎᒍᑦ ᐊᑐᐃᓐᓇᕈᕐᑎᑕᐅᓂᖃᓲᒍᑦᓱᑎᒃ.

Hands with plastic gloves handling fish fillets cut evenly and spreading them on a rack to prepare them for the smoker.

ᓵᒪᒥᒃ ᐃᓯᕆᓯᒪᔪᑦᓴᓕᐅᕈᓰᑦ

ᓂᕆᒐᑦᓴᐅᖏᓐᓂᖏᑦ ᐆᒪᔪᕕᓃᑦ ᐊᓐᓄᕋᓕᐊᕆᔭᐅᓲᑦ ᐊᒻᒪᓗ ᐃᓄᐃᑦ ᐱᐅᓯᑐᖃᖏᑦᑎᒍᑦ ᐱᐅᒃᑯᑎᓕᐊᕆᔭᐅᓲᒍᑦᓱᑎᒃ. ᐅᑯᐊᑕᒐ ᐃᓓᓐᓇᖏᑦ ᐆᑦᑐᕋᐅᑎᐅᑎᓪᓗᒋᑦ ᓇᓗᓀᕐᑕᐅᔪᑦ.

ᐃᖃᓗᑉᐱᖅ

ᑎᒥᒧᑦ ᐱᐅᔪᓂᒃ ᐱᑕᓕᒃ, ᐊᐅᖃᑦᓯᐊᓇᕐᑐᒥᒃ ᐊᒻᒪᓗ ᑎᒥᒧᑦ ᐃᑲᔪᕐᓯᒪᐅᑎᒥᒃ vitamin B- ᒍᓂᕋᕐᑕᐅᔪᒥᒃ ᐱᑕᓕᒃ, ᐃᖃᓗᑉᐱ ᓂᕆᔭᐅᑐᐊᕋᒥ ᒥᑭᒃᑳᒍᑎᓪᓗᒍ, ᖁᐊᒍᑎᓪᓗᒍ, ᐃᑦᓯᒨᕐᓯᒪᑎᓪᓗᒍ, ᐃᒍᓇᕐᓯᐊᒍᓯᒪᑎᓪᓗᒍ ᐃᒐᓯᒪᑎᓗᒍᓘᓐᓃᑦ. ᓂᒃᑰᓱᓂ, ᐅᕐᓱᒥᒃ ᑎᒥᒧᑦ ᐱᐅᔪᐊᓗᒻᒥᒃ omega-3- ᒥᒃ ᐱᑕᖃᓲᖅ, ᐆᒻᒪᑎᕐᓗᕆᒃᑯᑎᑦᓯᐊᒥᒃ ᐊᒻᒪᓗ ᐋᓐᓂᐊᑖᕆᒃᑯᑎᑦᓯᐊᒍᑦᓱᓂ ᐃᓚᖏᓐᓂᒃ ᐋᕐᕿᑕᐅᒐᓱᐊᕈᓐᓇᑐᓂᒃ. ᐃᖃᓘᑉ ᐊᒥᖓ ᓂᐊᖁᖓᓗ ᓴᐅᓂᕐᓄᑦ ᑭᒍᑎᓄᓪᓗ ᐊᑦᑕᓀᓕᓴᐅᑎᐅᒍᓐᓇᑐᖅ. ᐱᐅᓯᑐᖃᕐᑎᒍᑦ, ᓴᐅᓂᖏᑦ ᒥᕐᖁᑎᓕᐊᒍᕙᑦᑐᕕᓃᑦ. ᐃᓚᖓᓂᐊᓪᓛᑦ, ᐊᒥᖏᑦ ᐊᓐᓄᕌᓕᐊᒍᕙᓐᓂᒥᔪᑦ ᓯᑦᓯᑐᕆᒃᑯᑎᓕᐊᒍᑦᓱᑎᒃ ᖃᔭᕐᑐᑐᓄᑦ ᐊᑐᕐᑕᐅᔪᑦᓴᓕᐊᕆᑦᓱᒋᑦ.

ᓂᕿᑦᓯᐊᖑᓂᖓᓅᓕᖓᔪᑦ (100g)

Energy: 154 Cal
Protein: 20 g
Fat: 8.1 g
Sodium: 51 mg
Potassium: 551 mg
Omega-3: 6 g

ᐊᑐᐃᓐᓇᕈᕐᑎᔭᐅᒍᑎᖏᑦ
ᓂᕆᔭᐅᓲᑦ ᒥᑭᒐᐅᑎᓪᓗᒍ, ᐸᓂᕐᑎᓗᒍ, ᐃᒍᓇᐅᑎᓪᓗᒍ, ᐆᔪᑎᓪᓗᒍ ᐅᕝᕙᓘᓐᓃᑦ ᐃᒐᒪᑎᓪᓗᒍ. ᓲᕐᓗ ᐆᑦᑑᑎᒋᓗᒍ:
ᐃᖃᓗᑉᐱᒃ ᐆᔪᑦᓱᓂ ᐸᑦᑕᑲᓪᓚᓕᐊᖑᓈᕐᑎᓯᒪᔪᖅ ᐅᐊᕈᑦᓯᓯᒪᑦᓱᓂ ᐸᑕᐅᔭᒥᒃ ᖃᑯᕐᑕᒥᒃ, ᓯᕐᓇᑑᑉ ᐃᑦᑎᖓᓂᒃ ᐊᒻᒪᓗ ᓯᖃᓕᐊᓂᒃ ᐅᐊᓂᐅᔭᓂᒃ.
ᑭᐊᒃᓴᐅᑎᐅᑉ ᐃᓗᐊᓂ ᐃᒐᒪᔪᑦ ᐃᖃᓗᑉᐱᐅᑉ ᓇᓪᓗᐊᖏᑦ ᐳᐲᑦ ᖃᓚᒪᔪᑦ ᖄᖓᓃᑦᑐᑦ.
ᐃᖃᓗᑉᐱᕕᓂᖅ ᓴᓗᐊᕐᑎᓯᒪᔪᖅ ᐅᐊᕈᑎᓕᒃ ᑭᒍᑕᖏᕐᓇᓂᒃ.

ᑐᒃᑐ

ᒥᑭᒃᑳᒍᑎᓗᒍ, ᖁᐊᒍᑎᓗᒍ, ᒪᒪᕐᓯᐊᒍᓯᒪᑎᓗᒍ, ᐃᒐᓯᒪᑎᓗᒍᓗ ᐅᕝᕙᓘᓐᓃᑦ ᓂᒃᑰᑎᓪᓗᒍ ᓂᕆᔭᐅᑐᐊᕋᒥ, ᑐᒃᑐᕕᓂᖅ ᐊᐅᑦᓯᐊᖃᕐᓇᑐᒥᒃ ᐱᑕᓕᒃ ᐊᒻᒪᓗ ᑎᒥᒧᑦ ᐃᑲᔪᕐᓯᒪᐅᑎᓂᒃ ᐱᑕᖃᕐᓱᓂ. ᓂᕿᖏᑦ ᑎᖑᖓᓗ ᑎᒥᒧᑦ ᐃᑲᔪᕐᓯᒪᐅᑎᒥᒃ vitamin A- ᒍᓂᕋᕐᑕᐅᔪᒥᒃ ᐱᑕᖃᕐᒥᓱᓂ. ᑐᒃᑐᕕᓂᐅᑉ ᓂᕿᖓ ᐅᕐᓱᖃᓪᓗᐊᒐᓛᙱᑐᖅ, 1% - ᑐᐃᓐᓇᒥᒃ ᐅᕐᓱᖃᓲᖅ. ᑐᒃᑐᖅ ᓂᕿᖓᑕ ᐊᓯᐊᒍᑦ ᐊᑐᕐᑕᐅᓂᖃᓲᒍᒻᒥᔪᖅ. ᐊᒥᖓ ᕿᐅᔭᕆᒃᑯᑎᑦᓯᐊᕌᓗᒍᓐᓇᑐᖅ ᐊᒻᒪᓗ ᐊᓐᓄᕌᓕᐊᕆᔭᐅᓲᒍᑦᓱᓂ ᐅᕝᕙᓘᓐᓃᑦ ᐊᓪᓕᓂᑦᓯᐊᒍᑦᓱᓂ ᓯᓂᑦᑕᑐᓄᑦ. ᓄᑭᖏᑦ ᐃᕙᓗᓕᐊᒍᓲᒍᒻᒥᔪᑦ. ᓴᐅᓂᖏᑦ ᓇᑦᔪᖏᓪᓗ ᐱᐅᓯᑐᖃᕐᑎᒍᑦ ᒥᕐᖁᑎᖃᐅᑎᓕᐊᒍᕙᑦᑐᕕᓃᑦ ᐊᒻᒪᓗ ᑭᓘᑦᑑᑎᓕᐊᒍᕙᓐᓂᒥᑦᓱᑎᒃ.

ᓂᕿᑦᓯᐊᖑᓂᖓᓅᓕᖓᔪᑦ (100g)

Energy: 127 Cal
Protein: 23 g
Fat: 3.4 g
Sodium: 57 mg
Iron: 26% of the daily intake
Vitamin B12 - 105% of daily intake

ᐊᑐᐃᓐᓇᕈᕐᑎᔭᐅᒍᑎᖏᑦ
ᓂᕆᔭᐅᓲᑦ ᒥᑭᒐᐅᑎᓪᓗᒍ, ᐸᓂᕐᑎᓗᒍ, ᐃᒍᓇᐅᑎᓪᓗᒍ, ᐆᔪᑎᓪᓗᒍ ᐅᕝᕙᓘᓐᓃᑦ ᐃᒐᒪᑎᓪᓗᒍ. ᓲᕐᓗ ᐆᑦᑑᑎᒋᓗᒍ:
ᐆᓇᕐᓇᑐᐊᕐᓯᒪᑎᓪᓗᒍ ᓯᖃᓕᐊᖑᑦᓱᓂ ᓂᕿᑐᐃᓐᓇᑕᖓ, ᐅᐊᕈᑎᖃᕐᓱᓂ ᑐᒫᑑᑦᓱᓂ ᓂᖕᖑᔪᓕᐊᖑᒪᔪᒥᒃ ᐊᒻᒪᓗ ᕿᓂᕐᓯᐅᔭᕐᓂᒃ.
ᓵᑦᑐᔭᐅᑎᒧᑦ ᐆᑎᕐᖃᓚᐅᑲᑦᓱᒋᑦ ᐃᒐᓯᒪᔪᑦ ᑐᑦᑐᕕᓃᑦ, ᐅᐊᕈᑎᖃᕐᓱᑎᒃ ᐊᐅᐸᕐᑐᓂᒃ ᐸᐅᕐᖓᕕᓂᕐᓂᒃ, ᑲᔪᕐᒥᒃ ᐱᑕᑦᓴᒥᒃ, ᓴᓗᐊᖓᔪᒥᒃ ᒪᔅᑐᑦᒥᒃ, ᕕᓂᑲᒥᒃ ᐊᒻᒪᓗ ᓕᒪᓐ ᐃᑦᑎᖓᓂᒃ.
ᖃᔪᖅ ᐃᒐᒪᔪᖅ ᐅᐊᕈᑎᖃᕐᓱᓂ ᓂᕿᑐᐃᓐᓇᐅᓱᑎᒃ ᓯᒃᑭᑕᑲᓪᓛᓂᒃ, ᐱᕈᕐᑐᕕᓂᕐᓂᒃ ᐊᒻᒪᓗ ᐆᓇᕐᓇᑐᑦᓴᔭᐅᑦᓱᑎᒃ ᓰᕐᓇᑐᓂᒃ ᐱᕈᕐᑐᕕᓂᕐᓂᒃ.

ᕿᓚᓗᒐᖅ

ᕿᓚᓗᒉᑦ ᓄᓇᕕᒻᒥ ᓄᓇᓖᑦ ᐃᓚᖏᓐᓄᑦ ᐱᒻᒪᕆᐊᓗᖁᑎᒋᔭᐅᕗᖅ ᓂᕿᖓ. ᒪᑦᑕᖅ, ᕿᓚᓗᒐᐅᑉ ᐊᒥᖓ ᐅᕐᓱᖃᕐᓱᓂ, ᑎᒥᒧᑦ ᐃᑲᔪᕐᓯᒪᐅᑎᓂᒃ zinc, selenium, retinol (vitamin A- ᒥᒃ ᐱᑕᓕᒃ) ᐊᒻᒪᓗ ᑲᓂᑎᖑᒪᓂᓴ ᕋ-ᒥᒃ ᐱᑕᖃᕐᒥᓱᓂ. ᓂᕿᖓ ᐊᐅᐸᕐᑑᓱᓂ ᓂᒃᑰᑎᓪᓗᒍ, ᖁᐊᒍᑎᓪᓗᒍ, ᒥᑭᒃᑳᒍᑎᓪᓗᒍ ᐅᕝᕙᓘᓐᓃᑦ ᐃᒐᒪᑎᓪᓗᒍ ᓂᕆᔭᐅᓲᖅ. ᐅᕐᓱᖓ ᐅᕐᓱᓴᓕᐊᒍᓲᖅ, ᐱᐅᓯᑐᖃᕐᑎᒍᑦ ᐃᒐᒍᑎᑦᓴᐅᓂᐊᕐᑎᓗᒍ ᐅᕝᕙᓘᓐᓃᑦ ᐃᑯᒪᒍᑎᐅᓂᐊᕐᑎᓗᒍ ᖁᓪᓗᒧᑦ. ᕿᑐᒻᒪᓴᕐᓱᒍ, ᐊᒥᖓ ᕿᑐᑦᑐᐊᐱᕉᓲᖅ ᑲᒥᑦᓴᓕᐊᕆᔭᐅᒍᓐᓇᓯᑦᓱᓂᐊᓪᓛᑦ.

ᓂᕿᑦᓯᐊᖑᓂᖓᓅᓕᖓᔪᑦ (100g)

Energy: 127 Cal
Protein: 25 g
Fat: 4 g
Sodium: 60 mg
Iron: 26% of the daily intake
Vitamin B12 - 105% of daily intake

ᐊᑐᐃᓐᓇᕈᕐᑎᔭᐅᒍᑎᖏᑦ
ᓂᕆᔭᐅᓲᑦ ᒥᑭᒐᐅᑎᓪᓗᒍ, ᐸᓂᕐᑎᓗᒍ, ᐃᒍᓇᐅᑎᓪᓗᒍ, ᐆᔪᑎᓪᓗᒍ ᐅᕝᕙᓘᓐᓃᑦ ᐃᒐᒪᑎᓪᓗᒍ. ᓲᕐᓗ ᐆᑦᑑᑎᒋᓗᒍ:
ᒪᑦᑕ ᑎᕐᑎᑎᑕᐅᒪᔪᖅ (ᑫᕙᓪᓚᒍᓯᐅᑉ ᕿᑎᕐᖃᓕᒫᖓᓂ ᐃᒐᑦᓱᒍ ᑕᕆᐅᓪᓕᓯᒪᔪᒥ ᐃᒪᕐᒥ).
ᑭᐊᒃᓴᐅᑎᐅᑉ ᐃᓗᐊᓂ ᐃᒐᒪᔪᖅ ᐅᐊᕈᑎᖃᕐᓱᓂ ᐸᑏᑕᓯᓂᒃ, ᐅᐊᓂᐅᔭᓂᒃ, ᐱᕈᕐᑐᕕᓂᕐᓂᓗ ᐃᒐᔭᐅᒪᑦᓱᓂ ᓵᑦᑐᔭᐅᑎᐅᔭᒥ.

ᓇᑦᓯᖅ

ᓂᕿᖓ ᐊᒻᒪᓗ ᑎᒥᖓᑕ ᓱᓇᑯᑦᓯᓗᑳᖏᑦ ᑎᒥᒧᑦ ᐱᐅᔪᓂᒃ ᐱᑕᓖᑦ, ᐊᐅᑦᓯᐊᕿᓐᓇᑐᒥᒃ ᐊᒻᒪᓗ ᑎᒥᒧᑦ ᐃᑲᔪᕐᓯᒪᐅᑎᒥᒃ vitamin B- ᒍᓂᕋᕐᑕᐅᔪᒥᒃ ᐱᑕᖃᕐᓱᓂ. ᑎᖑᖓ selenium- ᒍᓂᕋᕐᑕᐅᔪᒥᒃ ᐱᑕᖃᕐᓱᓂ. ᐊᒥᖓ ᓯᑦᓯᑐᖃᔭᙱᑐᖅ ᐅᕐᓱᐃᓇᐅᑦᓱᓂᓗ, ᑌᒣᒐᓗᐊᕐᓱᓂ ᑎᕐᑐᑕᖃᕈᓐᓇᕋᒥ, ᐁᔪᖓᓐᓈᓗᕐᖃᙱᑦᑐᖅ. ᑌᒣᒻᒪᑦ, ᑲᒥᑦᓴᓯᐊᒍᓲᖅ, ᐊᑎᒋᑦᓴᓯᐊᒍᑦᓱᓂᓗ ᐊᒻᒪᓗ ᖃᕐᓕᓴᑦᓯᐊᒍᑦᓱᓂ. ᓇᑦᓯᐅᑉ ᐅᕐᓱᖓ ᐅᕐᖂᓯᓴᐅᑎᐅᕙᑦᑐᕕᓂᖅ ᐃᑯᒪᒍᑎᐅᑦᓱᓂᓗ. ᐱᐅᓯᑐᖃᕐᑎᒍᑦ, ᐃᕐᕋᕕᖏᑦ ᐅᓕᑲᑦᑕᓕᐊᒍᕙᑦᑐᕕᓃᑦ ᓯᓚᓗᑦᓯᐊᑎᓕᐊᒍᑦᓱᑎᒃ (ᓱᕈᔪᑦᓯᐅᑎᓕᐊᖑᑦᓱᑎᒃ).

ᓂᕿᑦᓯᐊᖑᓂᖓᓅᓕᖓᔪᑦ (100g)

Energy: 108 Cal
Protein: 26 g
Fat: 0.3 g
Sodium: 0 mg
Phosphorus: 195 mg
Iron: 20% of the daily intake

ᐊᑐᐃᓐᓇᕈᕐᑎᔭᐅᒍᑎᖏᑦ
ᓂᕆᑦᓱᒍ ᒥᑭᒐᕐᑐᑕᐅᓲᖅ, ᖁᐊᕐᑐᑕᐅᓲᖅ, ᐆᔪᕐᑐᑕᐅᓲᖅ, ᓂᒃᑯᑐᕐᑕᐅᓲᖅ ᐅᕝᕙᓘᓐᓃᑦ ᐃᒍᓈᖓᑎᓪᓗᒍ. ᓲᕐᓗ ᐆᑦᑑᑎᒋᓗᒍ:
ᑭᐊᒃᓴᐅᑎᐅᑉ ᐃᓗᐊᓂ ᐃᒐᒪᔪᖅ ᐅᐊᕈᑎᖃᕐᓱᓂ ᐸᑏᑕᓯᓂᒃ, ᐅᐊᓂᐅᔭᓂᒃ, ᐱᕈᕐᑐᕕᓂᕐᓂᓗ ᐃᒐᔭᐅᒪᑦᓱᓂ ᓵᑦᑐᔭᐅᑎᐅᔭᒥ.

Back to Top