Skip to Main Contents

ᓄᓇᙳᐊᑦ | ᐃᓕᑕᕆᔭᐅᓂᕐᑖᑐᑦ | ᖃᐅᔨᒋᐊᕐᕕᒋᑎᒍᑦ | Français | English

Exterior view of a completed igloo at night, where one can see the light through the snow wall as well as the entrance of the igloo accessible by crawling on the ground. We see planted in the snow tools that were useused, such as shovel, machete and wood saw.

ᓄᓇᖓ

ᐋᓚ ᑯᐊᑕᐅᑉ ᐃᒡᓗᖓ, ᓄᓇᕕᒻᒥ ᐅᑭᐅᕐᑕᑐᒥ ᐊᓐᓇᐅᒪᓂᕐᒥᒃ ᐃᓕᓭᕕᒃ

ᓄᓀᑦ ᑕᐅᑦᑐᖃᑎᒌᖕᖏᓂᖏᑦ

ᑕᕆᐅᕐᔪᐊᑉ ᐊᑭᐊᓂ ᔅᐯᓐ-ᒍᓂᕋᕐᑕᐅᔪᒥᒃ Spain ᓄᓇᖓᑕ ᐊᖏᓂᖓ ᓄᓇᕕᒃ ᑌᒣᓪᓗᐊᓱᓂ ᐊᒻᒪᓗ ᑳᓕᕘᓂᐊᒥᒃ California-ᒥᒃ ᐊᖏᓂᕐᓴᐅᒪᔪᖅ, ᓄᓇᕕᒃ ᐊᖏᔪᒻᒪᕆᐅᕗᖅ ᐊᒻᒪᓗ ᐊᑦᔨᒌᙱᓂᖃᕐᑐᒪᕆᐅᑦᓱᓂ ᓄᓇᖓ.

Map of Nunavik with the names of communities.

ᓄᓇᕕᐅᑉ ᓄᓇᙳᐊᖓ

ᓄᓇᐅᑉ ᖃᓄᐃᓕᖓᓂᖓ ᐊᕕᑦᓯᒪᔪᑎᒍᑦ ᓇᓗᓀᕐᑕᐅᒪᔪᖅ ᓄᓇᐅᑉ ᖃᓄᐃᑦᑑᓂᖓᑎᒍᑦ, ᓄᓇᙳᐊᑎᒍᑦ, ᓯᓚᖓᑕ ᐊᓯᑦᔨᑕᒻᒪᕆᓐᓂᖓᑎᒍᑦ ᐊᒻᒪᓗ ᓄᓇᐅᑉ ᐊᐅᔪᐃᑦᑐᑕᖃᕐᓂᖓᑎᒍᑦ. ᓄᓇᕕᒃ ᐊᔪᒉᑦᑑᓱᓂᒃ ᐱᐅᔪᒻᒪᕆᐊᓗᒃ. ᐱᖓᓱᐃᓕᖓᔫᔮᕐᓱᓂ × ᐃᓘᓐᓇᑎᒃ ᕿᓚᒻᒥ ᐱᓯᒪᔫᔮᕐᑐᓂᒃ × ᑕᒡᒎᓇ ᕿᒥᕐᕈᔭᐅᒍᓐᓇᑐᑦ.

ᓇᐹᕐᑐᐃᑦ ᓇᐅᒃᑯᑦ ᐱᕈᒍᓐᓇᖏᓲᒍᒻᒪᖔᑕ (Tree line)

ᓇᐹᕐᑐᓄᑦ ᐱᕈᕐᕕᐅᒍᓐᓇᖏᑦᑐᖅ ᓇᐅᒃᑰᓂᖓ ᐱᕈᑦᓯᐊᓄᑦ ᐱᕈᕐᕕᐅᒍᓐᓇᕋᓗᐊᕐᓱᓂ. ᓇᐹᕐᑐᓄᑦ ᐱᕈᕐᕕᐅᓚᕆᕐᖃᔭᒐᓂ, ᐊᐅᔭᐅᓕᕐᒪᑦ (ᐅᐱᕐᖔᖑᓕᕐᒪᑦ) ᐅᕐᖂᔪᑐᐊᕐᒪᑦ ᑭᓯᐊᓂ, ᓄᓇᐅᑉ ᐊᐅᔪᐃᑦᑐᖓ ᐊᐅᑕᐅᒐᓛᐱᑐᐊᕐᒪᑦ ᐱᕈᕐᐸᓕᐊᓲᑦ ᓇᐹᕐᑐᐃᑦ, ᓯᕐᒥᑕᖓ ᐃᒪᕐᒥᒃ ᑰᕝᕕᖃᑦᓯᐊᑐᐊᕐᒪᑦ.

Geographic map of Nunavik, with a division crossing the territory from west to east that indicates the tree line.

ᓇᐹᕐᑐᐃᑦ ᓇᐅᒃᑯᑦ ᐱᕈᒍᓐᓇᖏᓲᒍᒻᒪᖔᑕ

ᓇᐹᕐᑐᑦ ᑕᒪᑐᒪ ᑭᑖᓂ ᐱᕈᕐᖃᔭᖕᖏᑐᑦ ᑮᑕ ᐅᐱᕐᖔᒥ ᐅᓪᓗᐃᑦ ᐅᕐᖂᔪᐃᑦ ᐃᑭᓗᐊᕐᒪᑕ, ᓄᓇᐅᓪᓗ ᐃᑭᐊᑕ ᓯᑯᖓ ᐃᑦᔪᓗᐊᕐᓱᓂ, ᓯᕐᒥᐅᓗ ᖃᓄᐃᓐᓂᖓ ᐃᒣᕐᐸᓕᐊᓂᕆᓲᖓᓗ. ᕿᐅᔭᓇᕐᑐᒧᑦ ᓇᐹᕐᑐᓭᑦ ᖁᐊᕐᑎᑕᐅᑐᐃᓐᓇᓲᖑᒻᒪᑕ ᓇᐹᕐᑐᐃᓗ ᖁᓄᓕᕐᑎᑕᐅᓲᖑᑦᓱᑎᒃ. ᓄᓇᐅᑉ ᐃᑭᐊᓃᑦᑐᖅ ᓯᑯ ᓇᐹᕐᑐᐃᑦ ᐊᒫᖏᓐᓄᑦ ᒪᖑᒍᑎᐅᒍᓐᓇᖏᒻᒪᑦ ᑌᒣᒻᒪᑦ ᐱᕈᕐᖃᔭᕐᐸᖏᓪᓚᑦ.

ᓱᓇᓕᒫᓄᑦ ᓄᓀᑦ ᐆᒪᕕᐅᒍᓐᓇᓂᖏᑦ (Ecozones)

ᓄᓇᕕᒃ ᓯᑕᒪᓂᒃ ᓄᓇᒦᕙᓪᓗᓂᕐᓴᓂᒃ ᐊᕙᑎᒥᐅᑕᖃᕐᐳᖅ. ᓄᓇᒦᕙᓪᓗᓂᑦᓭᑦ ᓇᓗᓀᕐᑕᐅᒪᐅᑎᖃᕐᒪᑕ ᓄᓇᕐᔪᐊᑉ ᐊᕙᑎᒥᐅᑕᖏᓐᓂᒃ ᐅᑯᐊ ᐅᑦᑑᑎᒋᓗᒋᑦ, ᓯᓚᐅᕐ ᖃᓄᐃᑦᑑᓲᒍᓂᖓᑎᒍᑦ, ᓱᓇᓄᑦ ᐊᓐᓇᒪᐅᑎᑕᐅᒍᓐᓇᒪᖔᑕ, ᓄᓇᐅᑉ ᓯᕐᒥᑕᖓᓄᑦ, ᐱᕈᕐᑐᑕᖏᓐᓄᑦ ᐊᒻᒪᓗ ᐃᒪᖃᕐᓂᖓᓄᑦ. 20-ᓂᒃ ᓄᓇᐅᑉ ᐊᕙᑎᖏᓐᓂᒃ ᐊᑦᔨᒌᖕᖏᑐᓂᒃ ᐱᑕᖃᕐᐳᖅ ᑲᓇᑕᒥ: 15 ᓄᓀᑦ 5 ᐃᒣᑦ. ᓄᓇᕕᒃ 4-ᓂᒃ ᓄᓇᓂᒃ ᐊᑦᔨᒌᑦᑎᖏᑦᑐᓂᒃ ᐱᑕᖃᕐᑎᓗᒍ. ᑕᒪᒃᑯᐊ ᓄᓀᑦ ᑐᑭᖃᕐᑎᑕᐅᒍᑎᖃᕐᑐᑦ ᓯᓚᒥᓄᑦ, ᓄᓇᑕᒥᓄᑦ, ᓯᕐᒥᒥᓄᑦ, ᐱᕈᕐᑐᒥᓄᑦ ᐃᒪᕐᒥᓄᓪᓗ.

Map of Nunavik where one can see, from top to bottom, the strata of the four ecozones.

ᓱᓇᓕᒫᓄᑦ ᓄᓀᑦ ᐆᒪᕕᐅᒍᓐᓇᓂᖏᑦ

ᐅᑭᐅᕐᑕᑑᑦ ᓴᐴᓗᑕᖏᑦ (Taiga Shield)

ᓯᓚᐅᑉ ᖃᓄᐃᑦᑑᓂᕆᕙᓪᓗᓲᖓ: ᐅᑭᐅᕐᑕᑑᑉ ᓯᓚᖓ
ᖃᓄᐃᓪᓗᐊᑐᒥᒃ ᐅᓪᓗᑕᒫᑦ ᐊᐳᓯᓂᕆᓲᖓ: 175mm-ᒥᑦ 200mm-ᒧᑦ / ᐊᕐᕌᒍᑕᒫᑦ
ᐅᓪᓗᑕᒫᑦ ᐆᓀᓐᓂᕆᓲᖓᑕ / ᐅᕐᖂᓂᕆᓲᖓᑕ ᕿᑎᕐᖃᓗᐊᖓ: ᔭᓄᐊᕆᒥ: -17.5°C ᐊᒻᒪᓗ -27.5°C ᐊᑯᓐᓂᖓᓃᓲᖅ / ᔪᓓᒥ 7.5°C ᐊᒻᒪᓗ 17.5°C ᐊᑯᓐᓂᖓᓃᓲᒍᑦᓱᓂ
ᓄᓇᐅᑉ ᐱᕈᑦᑐᖁᑎᖏᑦ: ᐅᑭᐅᒍᓂᖓᓂ ᐱᕈᓲᒍᑦᔭᖏᑦᑐᑦ ᒪᓃᑦ ᓄᓇᐅᑉ ᓇᑎᕐᓈᓕᒫᖓᓂ ᐱᕈᓲᒍᑦᓱᑎᒃ. ᕿᕐᓂᐅᓯᕐᓭᑦ ᐊᒥᓲᓂᕐᓴᐅᓲᑦ. ᐱᕈᑦᑐᐃᑦ, ᐊᕚᓚᕿᐊᑦ ᐊᒻᒪᓗ ᐅᕐᐲᑦ ᖃᐅᓯᐅᓂᕐᓴᒦᓲᑦ ᓯᕐᒥᐅᓂᕐᓂ.
ᖃᓄᐃᑦᑑᓂᖏᑦ ᐆᒪᔪᐃᑦ: ᑐᒃᑐᐃᑦ ᑐᒃᑐᕓᑦ, ᐊᒪᕈᐃᑦ, ᐅᑲᓖᑦ, ᑎᕆᒐᑦᓂᐊᑦ, ᐊᑦᓭᑦ, ᖃᕝᕖᑦ. ᐁᕖᑦ, ᐅᑦᔪᐃᑦ, ᓇᑦᓰᑦ, ᙯᕈᓖᑦ, ᐋᕐᓗᐃᑦ. ᓂᕐᓖᑦ, ᑑᓪᓖᑦ, ᖃᕐᓴᐅᑦ, ᐊᑦᔨᒌᙱᑐᐃᑦ ᖁᐸᓂᐊᑦ.

ᐅᑭᐅᕐᑕᑐᒥ ᖃᕐᑫᑦ (Arctic Cordillera)

ᓯᓚᐅᑉ ᖃᓄᐃᑦᑑᓂᕆᕙᓪᓗᓲᖓ: ᐃᒃᑮᓇᕐᑑᓲᖅ ᐊᒻᒪᓗ ᐸᓂᕐᑑᕙᓪᓗᓂᕐᓴᐅᓱᓂ
ᖃᓄᐃᓪᓗᐊᑐᒥᒃ ᐊᐳᓯᓂᕆᓲᖓ ᓯᓚᓗᓐᓂᕆᓲᖓ: 200mm-ᒥᑦ 300mm-ᒧᑦ ᐊᕐᕌᒍᑕᒫᑦ
ᐅᓪᓗᑕᒫᑦ ᐆᓀᓐᓂᕆᓲᖓᑕ / ᐅᕐᖂᓂᕆᓲᖓᑕ ᕿᑎᕐᖃᓗᐊᖓ: ᔭᓄᐊᕆᒥ: -25.5°C ᐊᒻᒪᓗ-35°C ᐊᑯᓐᓂᖓᓃᓲᖅ / ᔪᓓᒥ: 5°C-ᒦᓲᒍᑦᓱᓂ
ᓄᓇᐅᑉ ᐱᕈᑦᑐᖁᑎᖏᑦ: ᐱᑕᖃᓪᓗᐊᓲᒍᙱᑐᖅ ᑲᖏᕙᓯᓐᓂᓴᒥ.
ᖃᓄᐃᑦᑑᓂᖏᑦ ᐆᒪᔪᐃᑦ: ᐁᕖᑦ, ᐅᑦᔪᐃᑦ, ᓇᑦᓰᑦ ᙯᕈᓖᑦ, ᕿᓚᓗᒉᑦ, ᐋᕐᓗᐃᑦ. ᖁᓪᓕᖁᓪᓕᐊᑦ, ᖁᐸᓄᐊᑦ, ᐊᒪᐅᓪᓕᒑᑦ.

ᐅᑭᐅᕐᑕᑑᑦ ᓯᕿᓂᕐᓯᖓᓂ (Low Arctic)

ᓯᓚᐅᑉ ᖃᓄᐃᑦᑑᓂᕆᕙᓪᓗᓲᖓ: ᐊᑯᓂᐊᓗᒃ ᐅᑭᐅᒍᓲᖅ, ᓯᕐᓛᐱᒃ ᐊᐅᔭᐅᓲᒍᑦᓱᓂ ᐆᓀᑦᑑᓱᓂ
ᖃᓄᐃᓪᓗᐊᑐᒥᒃ ᐊᐳᓯᓂᕆᓲᖓ ᓯᓚᓗᓐᓂᕆᓲᖓ: 200 mm-ᒥᑦ 400mm-ᒧᑦ ᐊᕐᕌᒍᑕᒫᑦ
ᐅᓪᓗᑕᒫᑦ ᐆᓀᓐᓂᕆᓲᖓᑕ / ᐅᕐᖂᓂᕆᓲᖓᑕ ᕿᑎᕐᖃᓗᐊᖓ: ᔭᓄᐊᕆᒥ: -25.5°C ᐊᒻᒪᓗ -35°C ᐊᑯᓐᓂᖓᓃᓲᖅ / ᔪᓓᒥ: 10°C- ᒦᓲᒍᑦᓱᓂ
ᓄᓇᐅᑉ ᐱᕈᑦᑐᖁᑎᖏᑦ: ᐅᕐᐲᑦ, ᑲᓪᓓᑦ, ᓱᐳᑕᐅᔦᑦ, ᐱᕈᑦᓯᐊᓗᑳᑦ, ᒪᓃᑦ.
ᖃᓄᐃᑦᑑᓂᖏᑦ ᐆᒪᔪᐃᑦ: ᑐᒃᑐᐃᑦ, ᐅᒥᒻᒣᑦ, ᑎᕆᒐᓐᓂᐊᑦ, ᓇᓄᐃᑦ, ᐅᑲᓖᑦ. ᐁᕖᑦ, ᐅᑦᔪᐃᑦ, ᓇᑦᓰᑦ ᙯᕈᓖᑦ, ᕿᓚᓗᒉᑦ, ᐋᕐᓗᐃᑦ, ᐊᓪᓚᖑᐊᑦ. ᓂᕐᓖᑦ, ᑑᓖᑦ, ᖃᕐᓴᐅᑦ, ᑲᖑᐃᑦ, ᐊᕿᒡᒌᑦ, ᐅᒃᐲᑦ, ᐊᒪᐅᓪᓕᒑᑦ.

ᐅᑭᐅᕐᑕᑑᑉ ᖁᕐᓯᓂᖓᓂ (High Arctic)

ᓯᓚᐅᑉ ᖃᓄᐃᑦᑑᓂᕆᕙᓪᓗᓲᖓ: ᐆᓀᑦᑐᒪᕆᐅᓲᖅ ᐸᓂᕐᑐᒪᕆᐅᑦᓱᓂᓗ, ᓯᕐᓛᐱᓪᓗ ᐊᐅᔭᐅᓲᒍᑦᓱᓂ (ᐅᐱᕐᖔᖑᓲᒍᑦᓱᓂ)
ᖃᓄᐃᓪᓗᐊᑐᒥᒃ ᐊᐳᓯᓂᕆᓲᖓ ᓯᓚᓗᓐᓂᕆᓲᖓ: 100mm-ᒥᑦ 200mm-ᒧᑦ ᐊᕐᕌᒍᑕᒫᑦ
ᐅᓪᓗᑕᒫᑦ ᐆᓀᓐᓂᕆᓲᖓᑕ / ᐅᕐᖂᓂᕆᓲᖓᑕ ᕿᑎᕐᖃᓗᐊᖓ: ᔭᓄᐊᕆᒥ: -30°C ᐊᒻᒪᓗ -ᕐᑦ©ᕋ ᐊᑯᓐᓂᖓᓃᓲᖅ / ᔪᓓᒥ: 5°C ᐊᒻᒪᓗ 10°C ᐊᑯᓐᓂᖓᓃᓲᖅ
ᓄᓇᐅᑉ ᐱᕈᑦᑐᖁᑎᖏᑦ: ᓄᓇᐅᔭᕐᑖᓲᖅ ᐊᒻᒪᓗ ᑎᖓᐅᔭᕐᓂᒃ.
ᖃᓄᐃᑦᑑᓂᖏᑦ ᐆᒪᔪᐃᑦ: ᑐᒃᑐᐃᑦ, ᐊᒪᕈᐃᑦ, ᑎᕆᒐᑦᓂᐊᑦ, ᓇᓄᐃᑦ, ᐅᑲᓖᑦ, ᐊᕕᖕᙰᑦ. ᐁᕖᑦ, ᐅᑦᔪᐃᑦ, ᓇᑦᓰᑦ ᙯᕈᓖᑦ, ᕿᓚᓗᒉᑦ, ᐋᕐᓗᐃᑦ, ᐊᓪᓚᖑᐊᑦ. ᓂᕐᓖᑦ, ᖃᕐᓴᐅᑦ, ᐊᕿᒡᒌᑦ, ᐅᒃᐲᑦ.

ᓄᓇᐅᑉ ᐊᐅᔪᐃᑦᑐᖓ (Permafrost)

ᓄᓇᐅᑉ ᐊᐅᔪᐃᑦᑐᖓ ᖁᐊᕐᓯᒪᑐᐃᓐᓇᕈᓐᓇᓂᕋᕐᑕᐅᓲᒍᕗᖅ ᓂᓪᓕᓇᕐᓂᖓ ᑌᒪᙵᑦ ᔾ©ᕋ-ᒥᑦᓱᓂ ᑕᕐᕿᓂ 24-ᓂᒃ ᑐᖓᓕᕆᑦᑐᓂ. ᓄᓇᐅᑉ ᐊᐅᔪᐃᑦᑐᖓ ᐊᐅᔪᐃᑦᑑᓚᕿᓲᒍᕗᖅ ᐊᕐᕌᒍᓕᒫᒥ ᓄᓇᐅᑉ ᐊᑖᖓᑕ ᖄᖓ ᐅᕐᖂᒍᓐᓇᕐᓂᖓ ᔾ©ᕋ ᐅᖓᑖᓄᓚᐅᕐᓯᒪᙱᒪᑦ.

Map of Nunavik, where the permafrost zones are seen from north to south.

ᓄᓇᐅᑉ ᐊᐅᔪᐃᑦᑐᖓ

ᓄᓇᐅᑉ ᐊᐅᔪᐃᑦᑑᑉ ᓇᐅᒃᑰᓂᖓ ᐊᒻᒪᓗ ᐊᐅᑉᐸᓕᐊᓂᖓᑕ ᓇᐅᒃᑰᓂᖓ ᓇᓗᓀᒃᑯᑕᐅᒍᓐᓇᖁᖅ ᓇᐹᕐᑐᓄᑦ ᐱᕈᕐᕕᐅᒍᓐᓇᓂᖓᑎᒎᕐᒪᑦ.

ᓄᓇᒥᒃ ᐊᓪᓚᓂᖅ (Geology)

ᓄᓇᕕᐅᑉ ᓄᓇᖓ ᐊᕕᑦᑐᓯᒪᔪᖅ ᓄᓇᖓᑕ ᐊᓪᓚᑕᐅᓯᒪᓂᖏᑦ ᐊᕕᑦᑐᓯᒪᑎᓪᓗᒋᑦ ᓄᓇᕐᔪᐊᒥ ᐅᔭᕋᖏᑦ ᐊᑯᓂᓂᑕᐅᓂᕐᐹᓯᐊᒍᓂᖏᑦᑎᒍᑦ ᓄᐃᑕᑎᑦᓱᒋᑦ, ᐊᕐᕌᒍᓂ 2 ᐱᓕᐊᓂ ᐊᐳᑎᒧᑦ ᓯᑯᒧᓪᓗ ᓴᐅᔭᐅᒪᖃᑦᑕᓂᑰᑦᓱᑎᒃ, ᓄᓇᐅᓪᓗ ᐊᐅᓚᓂᑯᖓᓄᑦ ᐊᐅᓚᑕᐅᓕᓂᐅᑦᓱᑎᒃ, ᓄᓇᐅᑉ ᐃᑭᐊᖓᓂᑦ ᐆᓇᕐᑐᔪᐊᒥᒃ ᓱᐱᕕᐅᖃᑦᑕᓂᑯᑦᓱᑎᒃ ᐊᒻᒪᓗ ᓄᖑᑉᐸᓕᐊᖃᑦᑕᓂᑯᑦᓱᑎᒃ.

Map of Nunavik, showing the territory's geological zones.

ᓄᓇᒥᒃ ᐊᓪᓚᓂᖅ

ᑌᒣᑦᑐᓄᑦ ᐊᕐᖁᓵᕐᓂᑯᑦᓱᓂ ᓄᓇᖓ ᐊᑦᔨᒌᑦᔭᖏᑦᑐᒥᒃ ᐋᕐᕿᓯᒪᓂᓕᒃ ᖃᖅᑲᖃᕐᓱᓂ ᐊᒻᒪᓗ ᓇᕐᓴᖃᕐᓱᓂ, ᓯᐅᕋᔮᖃᕐᓱᓂᓗ ᑐᐊᐸᔮᓂᓪᓗ ᓄᓇᕐᔪᐊᖅ ᐊᐅᑉᐸᓕᐊᓂᖓᓄᑦ ᐃᓂᓪᓚᑕᐅᓯᒪᔪᓂᒃ, ᐊᒻᒪᓗᑭᑕᐅᓕᖓᒐᓛᑦᑐᓂᓗ ᖃᖅᑲᖃᕐᓱᓂ (ᓇᕐᓴᓕᐅᕐᑕᐅᒪᔪᓂᒃ ᐊᐳᑎ ᐊᐅᑉᐸᓕᐊᓂᖓᓄᑦ ᓴᓇᔭᐅᔪᕕᓂᕐᓂᒃ) ᐊᒻᒪᓗ ᐃᒣᔭᕐᕕᓕᐅᕐᓯᒪᑦᓯᐊᒪᕆᑦᓱᑎᒃ ᑰᑦᑐᓂᒃ. ᓱᓇᓕᒫᑦ ᐋᕐᕿᓯᒪᓂᖏᑦ ᓄᓇᕕᒻᒥ ᓄᓀᑦ ᑕᒪᒃᑯᓄᖓ ᑌᒣᓕᖓᑎᑕᐅᓚᕿᔪᑦ, ᐃᒪᕐᐱᐅᑉ ᑕᕆᐅᑉ ᐃᖏᕐᕋᓂᖓᓄᑦ, ᓯᓚᐅᓪᓗ ᐊᐅᓚᑕᖓᓄᑦ ᐊᒻᒪᓗ ᐊᕐᕌᒍᑕᒫᑦ ᓯᕿᓂᐅᑉ ᐊᐅᑦᓯᖃᑦᑕᓂᖓᑕ ᐊᑦᔨᒌᙱᓂᖓᓄᑦ.

ᓯᓚᐅᑉ ᖃᓄᐃᑦᑑᓂᕆᓲᖓ ᐆᒪᔪᖏᓪᓗ (Bioclimatic domains)

ᓄᓇᕕᒃ ᓯᑕᒪᐅᓕᕿᖓᕗᖅ ᓯᓚᖓ ᖃᓄᐃᑦᑑᓲᒍᓂᖓᒍᑦ ᐆᒪᔪᖃᓲᒍᓂᖓᓗ ᒪᓕᑦᓱᒍ. ᓯᑕᒪᐅᓕᕿᖓᔪᑦ ᓄᓇᒥ ᐱᕈᓲᑦ ᐆᒪᒍᓐᓇᕕᖏᑦ ᓯᓚᐅᕐ ᖃᓄᐃᓐᓂᖓ ᒪᓕᑦᓱᒍ ᐱᕈᓲᒍᒻᒪᑕ ᐊᒻᒪᓗ ᓯᕐᒥᖓ ᖃᓄᐃᓐᓂᖓ ᒪᓕᑦᓱᒍ, ᐊᐱᓲᒍᓂᖓᑎᒍᑦ ᓯᓚᓗᓲᒍᓂᖓᑎᒍᓪᓗ, ᐃᒣᔭᓲᒍᓂᖓᑎᒍᓪᓗ ᐊᒻᒪᓗ ᐃᑯᐊᓚᒧᑦ ᐅᓚᐱᑕᐅᓲᒍᓂᖓᑎᒍᑦ ᐊᒻᒪᓗ ᓇᐹᕐᑐᐃᑦ ᐲᔭᕐᑕᐅᓂᖏᑦᑎᒍᑦ.

Geographic map of Nunavik where the different bioclimatic domains of the territory are illustrated by strata, from north to south.

ᓯᓚᐅᑉ ᖃᓄᐃᑦᑑᓂᕆᓲᖓ ᐆᒪᔪᖏᓪᓗ

ᒪᓃᑦ ᓄᓇᑐᐃᓐᓇᒥ (zone 7)

ᐳᒃᑭᓂᕐᓴᐅᓱᑎᒃ ᓇᐹᕐᑐᐃᑦ ᓄᓇᑐᐃᓐᓇᒥ, ᐅᕐᐲᑦ ᑎᖓᐅᔭᓂ. ᐱᕈᕐᐸᓕᐊᒍᓐᓇᓲᑦ ᐃᒃᑮᓇᕐᑐᒪᕆᐊᓘᓲᒥ, ᖃᐅᓯᓕᓗᐊᓲᒍᙱᑐᒥ ᐊᒻᒪᓗ ᓄᓇ ᐃᑯᐊᓪᓚᓗᐊᓲᒍᙱᑐᒥ.

ᓇᐹᕐᑐᖃᙱᑐᒥ ᐱᕈᓲᑦ (zone 8)

ᐅᕐᐲᑦ ᑕᒫᓂᕐᕿᔭᓗᑳᓲᑦ, ᐊᖏᔫᓗᐊᕋᑎᒃ ᐊᒻᒪᓗ ᓄᓇᐅᑉ ᐊᐅᔪᐃᑦᑐᖓᓂᒃ ᐱᑕᖃᓪᓗᐊᖏᓐᓂᑯᖓᓄᑦ ᐱᕈᑦᓯᐊᓲᒍᒋᙱᑐᑦ. ᐅᕐᐲᑦ 3m ᒦᑌᑦ ᐅᖓᑖᓄᑦ ᑕᑭᓂᖃᓲᒍᙱᑐᑦ. ᓈᐹᕐᑐᐃᑕᒐ ᑌᒣᒻᒪᑦ ᐳᕈᓲᒍᙱᑐᑦ.

ᓄᓇ ᓇᐹᕐᑐᖃᙱᑐᖅ ᐱᕈᕐᕕᐅᓗᐊᙳᐊᓲᖅ ᐅᕐᐱᓄᑦ ᐊᑦᔨᒐᓚᖏᓐᓄᓗ (zone 9)

2m ᒦᑌᑦ ᐅᖓᑖᓄᑦ ᐊᖏᓂᖃᓲᒍᙱᑐᑦ ᓄᓇᐅᑉ ᖃᓄᐃᑦᑑᓂᖓᓄᑦ ᐊᒻᒪᓗ ᓄᓇᐅᑉ ᐊᐅᔪᐃᑦᑑᓂᖓᓄᑦ. ᒥᑭᔪᕐᓚᐅᓱᑎᒃ ᐊᕚᓚᕿᐊᑦ ᐊᒻᒪᓗ ᐅᕐᐲᑦ, ᓄᓇ ᓇᐹᕐᑐᖃᙱᑐᖅ ᐱᕈᕐᕕᐅᓗᐊᙳᐊᓲᖅ ᐱᕈᕐᓯᐊᓄᑦ ᐊᑦᔨᒐᓚᖏᓐᓄᓗ, ᐃᕕᒐᐅᔮᓄᑦ, ᒪᓂᕐᓄᑦ ᑎᖓᐅᔭᓄᓪᓗ.

ᓇᐹᕐᑐᖃᙱᑐᖅ ᓄᓇ ᐱᕈᕐᕕᐅᓗᐊᙳᐊᓲᖅ ᐱᕈᑦᓯᐊᓄᑦ ᐊᑦᔨᒐᓛᖏᓐᓄᓗ (zone 10)

ᐃᕐᐸᖓᔪᓄᑦ ᐅᕐᐱᓄᑦ ᐊᑦᔨᒐᓛᖏᓐᓄᓗ ᓄᓇᐅᑉ ᐊᐅᔪᐃᑦᑑᓂᑯᖓᓄᑦ ᐊᒻᒪᓗ ᓯᓚᐅᕐ ᐆᓀᑦᑑᐊᓗᓲᒍᓂᑯᖓᓄᑦ. ᐃᒪᓴᓕᒑᒥ ᐃᕖᑦ (ᓱᐳᑕᐅᔦᑦ), ᐃᕕᒐᐅᔮᑦ, ᒪᓃᑦ ᑎᖓᐅᔦᓪᓗ, ᑲᑎᒪᓲᒍᑦᔭᖏᑦᑐᑦ ᓄᓇᒥ ᓄᓇᐅᑉ ᓱᓇᖃᑦᓯᐊᖏᓐᓂᑯᖓᓄᑦ.

Back to Top